Libiako Derna hirian hildakoak 20.000 izan daitezke
Libiako Derna hirian, uholde katastrofikoaren ondoren, hildako pertsonak 18.000 eta 20.000 artean izan daitezke, suntsitutako barruti kopuruaren arabera, Abdulmenam Al Gaizi alkateak asteazkenean Al-Arabiya telebistari adierazi dionez.
Alkateak azaldu duenez, kalkuluok Dernako hainbat auzotan izandako kalte izugarriekin egin dituzte; izan ere, hiriaren % 25 suntsitu dute uholdeek. Bestalde, komunikazioen eteteak bilaketa- eta erreskate-lanak zailtzen dituela azpimarratu du agintariak.
Era berean, Al Arabiya telebista-kateari eskainitako elkarrizketan adierazi duenez, hiriko presa, ibaian gora zegoen beste bat uraren presioaren ondorioz erori eta gutxira lehertu zena, mantentze lanik gabe zegoen 2008tik, herrialdeak bizi duen krisi politikoaren ondorioz.
Herrialdea bi administraziotan zatituta dago; izan ere, Ordezkarien Ganberak amaitutzat eman zuen Abdul Hamid Dbeibe lehen ministroaren agintaldia, 2021eko abenduan presidentetzarako hauteskundeak atzeratzeagatik, eta Fazi Bashaga izendatu zuen kargurako (kargugabetu egin zuten gero, eta Osama Hamadek ordezkatu zuen). Erabaki hori atzerapauso handia izan zen Muamar Gadafi 2011n harrapatu eta hil zutenetik Libia astindu duen gatazka eta ezegonkortasunarekin amaitzeko.
Bilaketa- eta erreskate-lanek aurrera jarraitzen dute hirian eta kaltetutako beste herri batzuetan, Libiako ekialdean; eta 34.000 desplazatu daude uholdeen ondorioz, Migraziorako Nazioarteko Erakundeak (OIM) emandako datuen arabera.
Hichem Chiuat Libia ekialdeko agintarien Abiazio Zibileko ministroak asteazkenean adierazi zuenez, Dernan Mediterraneo itsasoak "dozenaka gorpu" ekartzen ditu etengabe kostaldera.
Daniel ekaitzak herrialdearen ekialdea astindu du —bi gobernu paralelotan zatituta 2022ko hasieratik krisi politiko larri baten ondorioz—, joan den astean Grezian, Bulgarian eta Turkian uholdeak eragin ostean.
Zure interesekoa izan daiteke
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso trukatuko dituzte.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.