Migrazioaren gaia sartu gabe onartu dute Granadako Adierazpena, Poloniaren eta Hungariaren oposizioagatik
Poloniak eta Hungariak aurrez esana zuten ez dutela babestuko migrazioari eta asiloari buruz Europar Batasunak adostutako ituna, eta euren jarrerari tinko eutsi diote gaur Granadan egin duten Europar Kontseiluaren Batzarrean. Horrenbestez, Granadako Adierazpena izenarekin bataiatu duten dokumentuan migrazioaren atala ez dute txertatu.
Nolanahi ere, mahai gainean izan dituzten gainerako gaiei buruz —Europaren zabaltzea eta autonomia estrategikoa— lortu dute ados jartzea, eta horien inguruko xehetasunak jasota geratu dira testuan.
Joan den asteazkenean, EBko 27 estatu kideek migrazio-politikaren erreforma desblokeatu zuten, "krisi-mekanismoa" delakoaren prozedura adostuta. Horrela, gobernuek eta Europako Parlamentuak negoziazioei berriro ekiteko azken oztopoa gainditu zuten, datorren urteko ekainean Migrazio Ituna ixteko.
Itun horrek aurrera egiteko ez da beharrezkoa herrialde guztiek aho batez ontzat ematea, gehiengoarekin nahikoa da. Hain zuzen, hori da Poloniak eta Hungariak behin eta berriz kritikatu dutena. Horien iritzian, migrazioari buruzko erabakiek kide guztien oniritzia behar dute.
Viktor Orban Hungariako lehen ministroa gogor mintzatu da EBren kontra, hainbat herritarren eskubideak "urratzen" ari dela iritzita.
Bere aldetik, Ursula von der Leyen Europako Batzordeko presidenteak esan duenez, Brusela prest dago Europar Batasunean sartzeko "legezko ibilbideak" zabaldu eta "giza korridoreak" bermatzeko, baina, era berean, uste du irmo jokatu behar dela nazioarteko babesa jasotzeko eskubidea ez duten migratzaileak "itzultzeko" orduan.
Zure interesekoa izan daiteke
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, "beharrezkoa" da Europako mugen kontrola "are gehiago indartzea"
Europako Batzordeko presidenteak ohartarazi duenez, "erne egon behar dugu puntu kritiko guztietan, eta koordinazio estua izan behar dugu agintari guztien artean". Testuinguru horretan, "Europaren erresilientzia hobetzeko ikasitakoa aztertzeko prozesu bat" abiatzeko eskatu du.
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.