Hamasek hildakoak eta bahitutakoak 36 herrialdetakoak direla baieztatu du Israelek
Larunbatean Hamasen eta Israelen arteko gerra hasi zenetik, 1.300 pertsona hil, 3.300 zauritu eta 150 baino gehiago bahitu dituzte Israelen, Isaac Herzog presidenteak jakinarazi duenez. Horien artean, 36 nazionalitateko pertsonak daudela gaineratu du.
Hauek dira 36 herrialdeak: Australia, Austria, Azerbaijan, Argentina, Bielorrusia, Brasil, Txina, Txile, Kanada, Danimarka, Eritrea, Estonia, Frantzia, Alemania, Hungaria, Italia, Irlanda, India, Kazakhstan, Mexiko, Portugal, Polonia, Filipinak, Panama, Errumania, Errusia, Hego Afrika, Espainia, Sri Lanka, Sudan, Thailandia, Turkia, Uzbekistan, Ukraina, Ameriketako Estatu Batuak eta Erresuma Batua. Ez dute argitu Espainiako Estatuan dagoen Maya Villaloboren heriotzagatik, Ivan Illarramendi Saizar bilbotarraren desagerpenagatik edo biengatik.
Herzogek Gaza osoa egin du Hamasek larunbatean egindako erasoaren erantzule, eta enklabearen aurka egindako bonbardaketa gogorrak justifikatu ditu. Horren esanetan, ez da egia Gazako zibilek ezer ez zekitenik. Gainera, Holokaustoaz geroztik egun bakar batean judu gehien hil dituen ekintza izan dela nabarmendu du. Azkenik, Israelen erasoa "luzea" eta "gogorra" izango dela iragarri du.
Bestalde, Hamasek bahitutako 97 pertsonaren nortasuna jakinarazi die Israelek horien familiei, Daniel Hagari Armadako bozeramaileak ostegun honetan baieztatu duenez.
Hamasek eta Jihad Islamiarrak esan dute 130 bahitu inguru dituztela, baina Israelek 150 baino gehiago direla dio.
Israelgo Armadaren bozeramaileak gaineratu duenez, larunbatetik hildako 222 soldaduren familiak jakinaren gainean jarri dituzte. Hala ere, Israelen hildako 1.300 pertsona horien artean soldadu gehiago egon daitezkeela uste dute.
Gazan, bien bitartean, Israelek 1.537 pertsona hil ditu bertako Osasun Ministerioak emandako datuen arabera. Gainera, 6.612 zauritu daude.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.