Frantziak zazpi aireportu ebakuatu ditu bonba-alertengatik, tartean Biarritzekoa
Gaur goizean Frantziako zazpi aireportu partzialki edo erabat ebakuatu dituzte, tartean Biarritzekoa, bonba-alertengatik, Ekialde Hurbileko krisiaren ondorioz eta joan den ostiralean Arras hiriko lizeo batean izandako atentatu jihadistaren ostean herrialdean atentatuak izateko arriskua dela eta.
Euskal aireportuak bonba mehatxu bat jaso du eta asteazken eguerdian ebakuatu dute. Pirinio Atlantikoetako prefetak X sarean (lehen Twitter) zabaldutako mezuaren arabera, Biarritzeko terminalak bidaiariak eta langileak ebakuatu ditu asteazken honetan, aireportuan bonba mehatxu bat jaso ostean.
Ebakuazioek Niza, Beauvais, Lyon, Toulouse, Lille eta Nanteseko aireportuak kaltetu dituzte, France Info irratiak jakinarazi duenez. Mehatxuak posta elektronikoaren bidez iritsi dira.
Nizako aireportuak X kontuan (lehengo Twitter) adierazi du segurtasun-perimetro bat ezarri dela 1. terminalean abandonatutako maleta batengatik, "ohiko egiaztapen-eragiketak" egiten ziren bitartean, baina gero "egoera normaltasunera" itzuli dela.
Sare sozial horretan bertan, Lilleko aireportuak 11:00ak pasatxo zirenean adierazi du bere instalazioak ebakuatzen hasi dela, "bonba alerta batengatik".
Azken egun hauetan horrelako egoerak ugaritu egin dira museo, geltoki eta ikastetxeetan.
Asteartean hustu zuten Versaillesko Jauregia, eta larunbatean egin zuten hori, Parisko Louvre Museoa eta Frantziako hiriburuan Gare de Lyon, tren-geltoki handienetako bat, bisitariz eta pertsonalez hustu zutenean.
Astelehen goizean, beste bonba-alerta baten ondorioz, Arras hiriko Gambetta lizeoa hustu zuten. Ostiralean, terrorista islamista batek irakasle bat hil zuen labankadaz, eta zentroko beste hiru langile zaurituta utzi zituen.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek Ormuzko itsasartean harrapatuta dauden itsasontziak askatzeko operazioa iragarri du gaurtik aurrera.
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.