Errusiaren erasoaldi gogorra droneekin eta misilekin Ukraina osoan
Errusiak erasoaldi gogorra egin du, azken hilabeteetako handiena, droneekin eta misilekin Ukrainaren aurka, eta zenbait hildako uzteaz gain, kalteak eragin ditu zenbait hiritan, tartean Kiev hiriburuan.
Yuri Ihnat Ukrainako Aireko Indarren bozeramaileak esan du "aspaldi" ez zuela Errusiak horrelako erasoaldi handia egiten.
Vitali Klitschko Kieveko alkateak jakinarazi du gutxienez zibil bat hil dela eta lau pertsona hondakin batzuen azpitik atera behar izan dituztela jaurtigai baten zatiek biltegi bat jo ostean.
Leopolisen, misil batek etxebizitza eraikin bat jo du eta ondorioz pertsona bat hil eta beste hiru zauritu dira, Maksym Kozytskyi bertako administrazio militarraren buruaren arabera.
Poloniako mugan dagoen eskualde horretan dozena batetik gora drone kamikaze jaurti omen dituzte.
Dnipropetrovsk eskualdean, herrialdearen erdian, Sergui Lysak Armadaren bozeramaileak esan du "goiz tragikoa" izan dela, tartean lau pertsona hil direlako.
Dnipro hirian jaurtigai batek merkataritza zentro bat jo du, eta sute bat eragiteaz gain, kalteak utzi ditu ospitale batean.
Odesan (hegoaldea), gutxienez bi pertsona hil eta 15 ospitaleratu dituzte, tartean bi haur, etxebizitza eraikinen aurkako erasoen ondorioz.
Gainera, Errusiak jaurtitako droneetako batek azpiegitura bat jo omen du, nahiz eta dozena bat aireko erasoen aurkako defentsak gelditu dituen.
Polonia
Bestalde, Poloniako agintariek jakinarazi dutenez, Ukrainatik iritsitako "identifikatu gabeko objektu bat" sartu da euren aire espazioan.
"Ukraina barrutik identifikatu gabeko objektu bat sartu da Poloniaren aireko espazioan" eta "une horretatik desagertu den arte aireko erasoen aurkako sistemak jarraitu du", bertako Armadaren arabera.
Zure interesekoa izan daiteke
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.