Estatu Islamikoak bere gain hartu ditu Iran hegoaldean egindako eraso "suizidak"
Estatu Islamikoak bere gain hartu du gaur Iran hegoaldeko Kerman herrian Qasem Soleimani komandante irandarraren hilketaren laugarren urteurrenean gutxienez 84 hildako utzi zituen eraso "suizida" bikoitza.
Telegrameko kanalen bidez zabaldutako ohar batean, Estatu Islamikoak azaldu du bi militante "jendetzara" hurbildu zirela Kermaneko Soleimaniren hilobitik gertu, eta "zartarazi" egin zituztela haien "lehergailu gerrikoak". Erasoan 84 pertsona hil eta 200 baino gehiago zauritu zituzten, Irango agintarien arabera.
Gainera, Estatu Islamikoak bi erasotzaile suizidak identifikatu ditu: Omar al Mowhid eta Saifala al Muyahid. Atentatua egin zuten "politeistek jakin dezaten jihadistak euren atzean daudela", agiriaren arabera.
Esan bezala, erasoak 284 zauritu utzi zituen, eta horietatik 220k ospitaleratuta jarraitzen dute, Irango buruzagien arabera.
Irango presidentea ez da Turkiara joango
Ebrahim Raisi Irango Errepublika Islamikoko presidenteak bertan behera utzi du Turkiara egitekoa zuen bidaia ofiziala, Qasem Soleimani lurperatuta dagoen hilerritik gertu izandako bi leherketen ondoren. Hain zuzen ere, Recep Tayyip Erdogan Turkiako Errepublikako presidentearekin biltzeko asmoa zuen Raisik. Azken datuen arabera, 100 pertsona inguru hil dira atentatu horretan, Soleimani Iraneko goi kargu militarraren hilketaren laugarren urteurrena gogoratzen ari ziren unean jazo zena.
"Kerman hirian izandako eraso terroristaren ondoren, presidenteak bertan behera utzi du Turkiara egitekoa zuen bidaia. Bi aldeek aurreikusita zuten bilera beste egun batean gauzatuko da", azaldu du Irango gobernuko bozeramaile batek.
Hosein Amirabdolahian Irango Kanpo ministroak nabarmendu duenez, "samina eta tristura" eragin ditu 100 hildako inguru utzi dituen atentatu horrek. Halaber, NBEren aurrean "prozedura juridikoa" abiatuko dutela iragarri du.
"Terrorismoa baliatuz euren helburuak lor ditzaketela uste dute Irango etsaiek, baina herrialde honek argi utzi du hilketok ezin dutela Irango kohesioa, segurtasuna eta bide-orria ezbaian jarri", ziurtatu du Irango Kanpo ministroak. Ildo horretatik, "sionisten hilketak" deitoratu ditu, eta babesa berretsi dio Palestinari.
AEBren arabera, Israelek ez du inolako loturarik leherketekin
Testuinguru horretan, Matthew Miller AEBko Estatu Departamentuko bozeramaileak doluminak adierazi dizkie "leherketa lazgarri honetan hil diren herritarren senideei", eta Israelek ez duela inolako erantzukizunik ziurtatu du kazetarien aurrean egindako agerraldian.
"Goiz da atentatuaren erantzulea nor izan den jakiteko, baina argi utzi nahi dut AEBk ez duela zerikusirik izan leherketekin. Halaber, ez dugu Israel atentatu horren atzean dagoela pentsatzeko arrazoirik", azpimarratu du AEBko Estatu Departamentuko bozeramaileak.
Abenduaren 25ean, Israelek Razi Musavi Irango Guardia Iraultzaileko goi kargua hil zuen, Damaskon (Siria) izandako bonbardaketa batean.
Europar Batasunak, irmo gaitzetsi du Iran hegoaldean dagoen Kerman hirian izandako atentatua, eta doluminak adierazi dizkie biktimen ingurukoei.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.