AEBk ez luke Rafahn erasoak egitea babestuko: "Hondamendia izango litzateke"
John Kirby Etxe Zuriaren Segurtasun Nazionaleko bozeramaileak esan du AEBk ez duela babesten Israelgo Armadaren erasoak Rafahra, Gazako Zerrendaren hegoaldera, zabaltzea, "hondamendia" izango litzatekeelako bertan dauden palestinarrentzat, bonbardaketetatik ihesi eta Israelen oharrei jarraituz iritsitakoentzat, besteak beste.
"Milioi bat palestinarretik gora daude bertan errefuxiatu gisa. Bertara joateko esan zaie. Israelgo Armadak zibil errugabeak babesteko betebehar berezia du operazioak egiten dituenean, iparraldeko operazioetatik ihesi hegoaldera iritsitakoekin bereziki", adierazi du prentsaurreko batean.
Kirbyren hitzetan, "Gazako zibilen babesa aintzat hartzen ez bada, operazio militarrak hondamendia lirateke bertan dauden pertsonentzat". "Eta ez genuke babestuko", berretsi du.
Israelek iragarri du Hamasen aurkako borroka Rafahra, hegoaldera, zabaltzeko asmoa duela. Herritarren dentsitate handiko eremu bat da Rafah. Yoav Gallant Israelgo Defentsa ministroak aurreko astean aurreratu eta aste honetan berretsi du soldadu israeldarrak orain arte borrokatu ez diren lekuetara iritsiko direla Zerrendaren erdigunean eta hegoaldean, baina "bereziki Hamasen azken gotorlekuan, Rafahn".
Israelen erasoaldiak ia 28.000 hildako eta 67.000 zauritu utzi ditu jada Gazan. Gainera, ia 400 palestinar hil dituzte Zisjordanian eta Jerusalemen, Hamasek Israelen 1.200 lagun hil eta 240 bahitu zituenetik.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.