Paris-Orlyko aire-kontrolatzaileen grebak ez du, oraingoz, Euskal Herriko aireportuetan eraginik izan
Frantzian gaurko deitutako aire-kontrolatzaileen grebaren ondorioz, hegaldien % 70 bertan behera geratu dira Paris-Orly aireportuan, Frantziako Abiazio Zibileko Zuzendaritza Nagusiak (DGAC) jakitera eman duenez.
Frantzian ez ezik, nazioartean ere izan du eraginik grebak, baina, oraingoz, Euskal Herriko aireportuetan ez dago greba honekin lotutako aparteko gorabeherarik.
Sare sozialetan duen kontuan, Orlyko aireportuak berak "atzerapen eta kantzelazio ugari aurreikusten ditu" bertatik abiatzekoak ziren zein bertara iristekoak ziren hegaldien artean, eta bidaiariei euren hegaldiaren egoera egiaztatzeko eskatu die, aireportura joan aurretik. Paris-Orly aireportua Frantziako hiriburuko bigarren aireporturik handiena da, Paris-Charles de Gaulle aireportuaren ondoren.
Aire-kontrolaren sektorea berrikusteko neurri osagarri batzuen inguruan akordiorik lortu ezinak bultzatu ditu langileak gaurko lanuztera, baina ez da lehena. Duela hilabete inguru, Frantziako aireportu batzuetan eragina izan zuen aire-trafikoko kontrolatzaileen greba masibo bat izan zen, Frantzian milaka hegaldi bertan behera uztea eragin zuena.
Gaurkoan, Frantziako aire-kontrolatzaileen sindikatu nagusiak (SNCTA) ez du protestan parte hartu, baina bai gutxiengoa duten UNSA-ICNA eta USAC-CGT sindikatuek.
Auzia konpondu ezean, uztailaren 26tik abuztuaren 14ra bitartean Parisen egingo diren Olinpiar Jokoetan ere gatazka horren eragina nabarituko dela pentsatzen hasi dira batzuk.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.