EBk errepresaliak hartzeko atea ireki du, Israelek Nazioarteko Auzitegiaren aginduak betetzen ez baditu
Europar Batasunak Israel Adiskidetze Itunaren baitan deitzea erabaki du gaur, Nazioarteko Justizia Auzitegiaren (CIJ) aginduak betetzen direla bermatzeko, eta Tel Aviven aurkako errepresaliak hartzeko atea ireki du, Rafahko errefuxiatu-eremu baten bonbardaketaren ostean, Auzitegiak erasoak amaitzeko agindua eman arren.
Charles Michel Europako Kontseiluko presidenteak Israelen azken eraso hori gaitzetsi du, eta Israeli "gogorarazteko" aprobetxatu du EBrekin sinatutako adiskidetze akordioa "Giza Eskubideekiko eta Nazioarteko Zuzenbidearekiko errespetuan oinarritzen dela".
"Lazgarria da azken erasoan zibil palestinar errugabeak nola hil diren ikustea. Ez dago eremu segururik Rafahko errefuxiatuentzat", deitoratu du Michelek, Israelek onartu duen bonbardaketaren harira.
Israelgo Armadak Rafahko errefuxiatu-eremua bonbardatu ondoren (45 pertsona hil ditu CIJek epaia eman eta egun batzuetara), Josep Borrell EBko Atzerri Politikarako goi ordezkariak baieztatu du 27 estatu kideek Israel Adiskidetze Kontseiluaren bilkura baterako deitzea eskatu diotela, baita Israelen aurkako neurriak aztertzea ere, CIJen aginduak bete gabe jarraitzen badu.
EBko Atzerri ministroekin izandako batzarraren ondotik, Europar Batasuneko diplomazia-buruak esan du neurriak beharrezko adostasuna izan duela eta Tel Avivek Adiskidetze Kontseiluan dituen betebeharrak edo CIJen neurrien aplikazioa nola bermatu aztertzeko balioko duela.
Bileraren atarian, Michael Martin Irlandako Atzerri ministroak baieztatu du 27 estatu kideek ituna deitzea erabaki dutela, Israeli egoeraren inguruko "kezka larriak" helarazteko eta CIJek agindutako kautelazko neurriak betetzea planteatzeko.
Azaldu duenez, gaurko bileran "lehen aldiz" Israelen aurkako zigorrak erabiltzeari buruzko "eztabaida esanguratsua" izan da, nazioarteko auzitegiak eskatutako neurriei entzungor egiten jarraitzen badu.
Bestalde, Jose Manuel Albares Espainiako Atzerri ministroak babestu egin du EBk "eskura dituen tresnak" aztertzea, nazioarteko legezkotasuna eta CIJen epaiak betetzea babesteko.
Nolanahi ere, Espainiako ministroak berretsi egin du Israeli dei egiten diola CIJen aginduak bete ditzan. "Epaiak betetzea espero dugu, bestela estatu kideekin batera zer egin aztertuko dugu", adierazi du prentsaurrekoan.
Protesta Bruselan
Bestalde, erakunde humanitarioetako ordezkariek zinta gorri bat jarri dute gaur Bruselan, Israelek Gazan zeharkatutako "marra gorriak" irudikatzeko eta Europari Tel Aviven aurkako zigorrak eskatzeko.
Oxfam, Save the Children, Nazioarteko Erreskate Batzordea, World Vision, Nazioarteko Plana edo Garapenerako eta Elkartasunerako Nazioarteko Lankidetza (CIDSE) bezalako elkarte humanitarioetako hamar bat kidek zinta gorri bat jarri dute Europar Batasunaren eraikinen aurrean, Israelen ekintzak nazioarteko zuzenbidearen aurkakoak direla salatzeko.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.