Ben Gvir Israelgo ministro ultraeskuindarrak Hezbollahri gerra deklaratzea eskatu du
Itamar Ben Gvir Segurtasun Nazionaleko ministro ultraeskuindar eta kolonoak Hezbollah talde libanoarrari gerra deklaratzera bultzatu nahi du Israelgo Gobernua. Libanotik talde xiita horren miliziak jaurtitako koheteen ondorioz astelehenean suteak piztu ziren lekura bisita egin du Ben Gvirrek.
"Hemen akabatzen ari gaituzte. Hezbollahko gotorleku guztiak erre beharko lirateke, suntsitu. Gerra!", adierazi du gaur X sare sozialean argitaratutako bideo batean.
Ia aldi berean, eta Al Jazeera katearekin izandako elkarrizketa baten aurrerapen gisa, Hezbollahko bigarrenak, Naim Qassemek, ziurtatu du bere miliziak ez duela Israelen aurkako erasoak areagotzeko asmorik, baina prest egongo litzatekeela horretara behartuta balego.
Bestalde, Qassemek ziurtatu du Ameriketako Estatu Batuek ez dutela interes "seriorik" Ekialde Hurbileko gatazkari amaiera emateko, eta Joe Biden presidenteak ostiralean proposatutako egitasmoak "helburu elektoralistak" dituela eta ez duela "objektibotasunik".
Hala ere, Emmanuel Macron Frantziako presidenteak Benjamin Netanyahu Israelgo lehen ministroarekin izandako elkarrizketa batean berretsi du Bidenek azaldutako su-eten planari babesa emango diola, eta balizko akordio horrek "ikuspegi sinesgarri bat" zabaldu beharko lukeela nabarmendu du, "bi estaturen irtenbidea praktikan jartzeko".
Bestalde, Bidenek Time aldizkariak gaur argitaratutako elkarrizketa batean adierazi duenez, Netanyahu Gazaren aurkako erasoa luzatzen ari da arrazoi politikoengatik eta gobernu koalizio konplexu baten buruan boterean mantentzeko. "Jendeak ondorio hori ateratzeko arrazoi guztiak ditu", azpimarratu du Bidenek.
Izan ere, Netanyahuk presioak jaso ditu Israelgo gobernu koalizioaren alde ultrakontserbadoretik, AEBen laguntzarekin diseinatutako su-etena ez onartzeko.
Bien bitartean, Israelgo Armadak drone bidezko bonbardaketa bat egin du azken orduetan Palestinako Errefuxiatuentzako Nazio Batuen Agentziaren (UNRWA) eskola baten aurka, Bureijeko errefuxiatu-eremuan, Gazako Zerrendaren erdialdean, azpiegiturak Hamasen "gotorleku" bat ezkutatzen zuela aitzakiatzat hartuta.
Urriaren 7tik Israelgo Armadak egindako erasoek 36.500 palestinar baino gehiago hil eta 83.000 zauritu dituzte, Gazako agintariek gaur jakitera eman dutenez. Horiez gain, 520 palestinar inguru hil dituzte segurtasun indarrek eta kolonoek Zisjordanian eta Ekialdeko Jerusalemen egindako erasoetan.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.