Ultraeskuinak gertu izango luke gehiengo absolutua Frantzian, hauteskunde inkesten arabera
Frantzia hauteskunde legegileen lehen itzulirako kanpainaren azken txanpan sartu da, eta RN edo Bilgune Nazionala ultraeskuindarra jotzen dute inkestek garaile. Gainera, gertu izango lukete Batzar Nazionaleko gehiengo absolutua, igande honetan zabaldutako azken inkestaren arabera.
Igandeko lehen itzulitik zazpi egunera, Tribune du Dimanche eta BFMTVk zabaldu duten Elabe inkestaren arabera, RN ultraeskuindarrak eta haren eskuineko aliatuek botoen % 36 lortuko lukete, 250-280 diputatu. Goitik joz gero, 289ko gehiengo absolututik gertu geratuko litzateke.
Ezkerreko Fronte Popular Berria bigarren izango litzateke, botoen % 27rekin (150-170 eserleku), eta egungo gehiengo makronistak hirugarren postuan jarraitzen du, atzerago, botoen % 20 eta 90-110 diputaturekin.
Errepublikanoak (LR) alderdi kontserbadorea % 10ean geratuko litzateke, eta 35 eta 45 diputatu lortuko lituzke.
Dena den, zaila da Frantzian lehen itzuliaren aurretik eserlekuen kalkuluak egitea, ezin baita jakin zein bi alderdi igaroko diren diputatua aukeratzen duten 577 barrutietako bakoitzean bigarren txandara, eta asko alda litezke kopuruak.
Hala ere, ziurtzat jotzen dena parte-hartzearen igoera da, izan ere, galdetutakoen % 60k dio bozkatzera joango dela, bai ala bai. .
Hilaren 9ko Europako hauteskundeetan, parte-hartzea % 51,49koa izan zen, eta 2022ko hauteskunde legegileen lehen itzulian, % 47,5ekoa.
Albiste gehiago mundua
NATOk "Espainiarekin arazo bat" duela esan du Trumpek Hagako goi-bilera hasi baino lehen
Horrela, agintari estatubatuarrak Espainiaren gastu maila kritikatu du. Gainera, Trumpek NATOren 5. artikulua esplizituki babestea saihestu du, kideen elkarrekiko defentsa klausula, hain zuzen ere.
Iranek su-etena berretsi eta ukatu egin du su-etenaren ostean Israelen aurka misilak jaurti izana
AEBko presidenteak su-etena iragarri du Truth sare sozialean. Israelek berehala onartu eta salatu du Iranek misilak jaurti dituela bere instalazioen kontra, baina Iranek ukatu egin du.
Albiste izango dira: su-etena Israel eta Iran artean, Gobernu Kontseiluaren urteurrena eta abisu horia beroagatik
Gaurkoan albiste izango direnen laburpena, bi hitzetan.
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
Iranek iragarri du Estatu Batuek Qatarren dituzten basearen aurka eraso egingo duela
Ez du eman erasoaren inguruko xehetasunik, baina Qatarreko hiriburuan leherketak entzun dira. Al-Udeid aire-basea 1996an eraiki zen, eta Estatu Batuetako Aginte Zentralaren kuartela da. Ipar Amerikako herrialdeak eskualdean duen base handiena da, 10.000 soldadu inguru biltzen baitira bertan.
Rubin behatokiak "gaueko zeruari buruz inoiz egin den filmik konpletoena" izango denaren lehen irudiak argitaratu ditu
Irudi hauek "time-lapse" baten hasiera dira, eta hamarkada batez zeru australa kartografiatu ondoren osatuko da. Bideoak hainbat gai eta galderari sakontasunez begiratu eta erantzutea ahalbidetuko du, esaterako: energiaren eta materia ilunaren ezaugarriak, Esne Bidearen eraketa, eguzki-sistemako gorputz txikien propietateak eta arriskutsuak izan daitezkeen asteroideen ibilbideak.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.