Bangladeshko ikasleen mugimenduak Mohamed Yunus Bakearen Nobel sariduna proposatu du, Gobernua gidatzeko
Sheik Hasina Bangladeshko lehen ministroak atzo dimisioa eman ondoren, bitarteko Gobernua eratzeko ahaleginean ari dira herrialde hartan. Enplegu publikorako kuota sistemaren kontra ikasle mugimenduek hasitako protestek eraman zuten Hasina kargua uztera. 400 pertsona baino gehiago hil dira, uztailaren hasieran mobilizazioak hasi zirenetik.
Atzo arratsaldean egindako agerraldian, Waker-Uz-Zaman Bangladeshko Armadako buruak azaldu zuen bitarteko Gobernua osatzeko eta Hasimaren ordezkoa aukeratzeko lanean ari direla. Nolanahi ere, ez zuen ez izenik ez beste informazio zehatzik aurreratu.
Protestak deitu dituzten ikasleen ordezkariak ere agertu ziren hedabideen aurrean, eta horiek bai, gobernuburu izateko euren proposamena zein den azaldu zuten: Muhammad Yunus Bakearen Nobel sariduna —2006an eman zioten saria—. 83 urteko ekintzailea, oso ezaguna da herrialde osoan, bereziki, txirotasunari aurre egiteko abian jarritako Grameen Bankua bezalako ekimenari esker.
Ikasleek azaldu zuten bitarteko Gobernuaren osaketa prestatzen ari direla, eta hori izango dela ontzat emango duten bakarra. Armadak zein presidenteak proposatutako exekutiboa ez dutela inolaz ere onartuko aurreratu zuten. "Ikasle iraultzaileek ez dute onartuko Gobernu hori. Diktadura bertan behera utzi nahi dugu, sistema faxista indargabetu. Izen aldaketa huts batek ez du ezertarako balio", azaldu zuten.
Gaur goizean Armadak bertan behera utzi du ezarrita zegoen etxeratze agindua, baina protestek ez dute etenik Bangladeshen.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.