AEEk, EBk eta 22 herrialdek hauteskundeetako aktak argitaratzeko eskatu diote Venezuelari
Amerikako Estatuen Erakundeak (AEE) ebazpen bat onartu du bart Venezuelako agintariei uztailaren 28ko hauteskundeen aktak "lehenbailehen" argitara ditzaten eskatzeko.
Testua ez da loteslea, eta AEBk eta Antigua eta Barbudak aurkeztu zuten, Argentina, Kanada, Txile, Ekuador, Guatemala, Paraguai, Dominikar Errepublika, Surinam eta Uruguai estatuen babesarekin.
Ebazpenean, "hauteskunde mahai bakoitzeko aktak lehenbailehen argitaratzeko" eskatzen diote Venezuelako Hauteskunde Kontseilu Nazionalari, eta "herri burujabetzaren oinarrizko printzipioa errespetatzeko, hauteskunde prozesuaren gardentasuna, sinesgarritasuna eta zilegitasuna bermatuko lituzkeen ikuskapen inpartzialarekin".
Era berean, 22 estatuk, tartean Espainiak, eta Europar Batasunak "akta original guztiak berehala argitaratzeko" eskatu diote Nicolas Maduroren Gobernuari, hauteskundeen ikuskaritza "inpartzial eta independentea"rekin batera.
Ikuskapenaren "atzerapenak" kolokan jartzen du abuztuaren 2an argitaratutako emaitzen egiazkotasuna, Roberto Alvarez Dominikar Errepublikako Atzerri ministroak Santo Domingon (Dominikar Errepublika), adierazpenaren gainerako sinatzaileekin batera, irakurri duen testuaren arabera.
Argentinak, Kanadak, Txilek, Txekiak, Costa Ricak, Ekuadorrek, Espainiak, AEBk, El Salvadorrek, Guatemalak, Guyanak, Italiak, Marokok, Herbehereek, Panamak, Paraguaik, Peruk, Erresuma Batuan, Surinamek, Portugalek, Dominikar Errepublikak, Uruguaik eta Europar Batasunak "zentzuz" jokatzeko eskatu diote Venezuelari: "Venezuelarentzat eta eskualde osoarentzat hain garrantzitsua den une honetan, eragile sozial eta politiko guztiek jokatu behar dute tentuz ekintza publiko guztietan".
Zure interesekoa izan daiteke
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.
Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.
Urtebete eta hamalau urte bitarteko zortzi haur hil dira Louisianan izandako tiroketa batean
Poliziaren arabera, "etxeko liskar bat" izan da gertakaria. Hasiera betan, tiroketaren ustezko egileak ihes egin du, baina poliziek harrapatu eta hil egin dute geroago.
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.