Avignongo beste akusatuetako batek ere emaztea drogatzen zuen bortxatu ahal izateko
Frantziako Avignon hirian Dominique Pelicoten kasuagatik epaitzen ari diren 50 gizonetako beste batek ere emaztea drogatzen zuen bortxatu ahal izateko.
Pelicoten delitu berbera leporatu diote gizonari (63 urteko Jean-Pierre M.), prozesuaren hasieran onartu baitzuen berak ere antsiolitikoak eman ohi zizkiola emazteari konortea gal zezan, eta ondoren sexu-abusuak egiten zizkiola. Sarritan, gainera, Pelicotekin batera aritzen zela aitortu zuen.
Akusatu horren alabak "barkaezintzat" jo du aitak egindakoa. Atxilotu zutenean izan zuela gertatutakoaren berri jakinarazi du, eta ziur agertu da aitak ez zuela horrelakorik egingo akusatu nagusia ezagutu izan ez balu.
Irailaren 2an hasi eta abenduan amaitzea espero duten prozesua Pelicotek gordetzen zituen artxiboetan oinarrituta dago. 2020ko irailean Carpentras hiriko supermerkatu batean emakume batzuen gonapean grabatzeagatik atxilotu zutenean, ehunka argazki eta bideo aurkitu zituen Poliziak. Horietako batzuetan Giselle Pelicot agertzen da, akusatuaren emazte ohia, drogatuta, dozenaka gizonek sexu-abusuak egiten dizkioten bitartean. Irudiei esker akusatuen aulkian esertzen diren 50 gizon identifikatu ahal izan dituzte.
Dominique Pelicot akusatu nagusiaren deklarazioa gutxienez astelehenera arte atzeratu behar izan dute. Bere osasunak okerrera egin du eta ospitaleratu behar izan dute. Abokatuek diotenez, deklarazioa Jean-Pierre M.ri leporatzen zaizkion eta inplikatuta dagoen gertakariei buruzkoa baino ez da izango.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.