Claudia Sheinbaumek Mexikoko presidente kargua hartuko du gaur
Aldaketa eguna da gaurkoa Mexikon, Claudia Sheinbaum Mexikoko presidente hautatuak hurrengo sei urteetarako kargua hartuko baitu Diputatuen Ganberan egingo den inbestidura ekitaldian. Saioa 18:00etan hasiko da.
Claudia Sheinbaumek Laugarren Transformazioa delakoarekin jarraitzeko betebeharra izango du, baita Mexikoko gizarteak dituen arazoei aurre egitekoa ere: narkotrafikoa eta feminizidioak, kasu. Halaber, orain arte presidente izan den Andres Manuel Lopez Obradorren itzal luzeari ere aurre egin beharko dio.
Halaber, Lopez Obradorrek onartu gabe utzi dituen 20 erreformak gauzatzeko eginkizuna izango du, besteak beste, pentsioak, osasuna eta hezkuntza unibertsalizatzea, soldatak igotzea, animalien kontrako tratu txarrak debekatzea, eta droga kimikoen salerosketa debekatzea.
Sheinbaumek aise irabazi zituen ekaineko hauteskundeak, botoen % 61,18 eskuratuta. Lopez Obrador ez bezala, Mexikoko lehen emakume presidentea izango dena analitikoagoa eta zuhurragoa da.
"Prest nago, indartsu nago, Mexikoko herria prest dago Mexikoren Laugarren Transformazioaren bigarren etapari ekiteko", esan du kargua hartu baino ordu batzuk lehenago. Halaber, eskerrak eman dizkio bere aurrekoari: "Handienen artean dago. Herrialdeak izan duen presidenterik onena da".
Espainiak ez du goi mailako ordezkaririk bidaliko gaurko inbestidura saiora, Felipe VI.a Espainiako erregea gonbidatu ez dutelako. Dena den, mundu osoko agintari andana elkartuko dira Mexikon, hala nola Jill Biden AEBko lehen dama, Miguel Diaz-Canel Kubako presidentea, Lula da Silva, Brasilgoa; Gabriel Boric, Txilekoa; Gustavo Petro, Kolonbiakoa; Xiomara Castro, Hondurasekoa, eta Bernardo Arevalo, Guatemalakoa, besteak beste.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.