Israelek Gazako eskola baten aurka egindako eraso batean 28 pertsona hil eta 50 baino gehiago zauritu ditu
Gutxienez 28 pertsona hil ditu gaur Israelek Deir al-Balah hirian, Gazako zerrendaren erdialdean, errefuxiatu palestinarrak hartzen zituen eskola baten aurka egindako erasoan, Osasun Ministerioak baieztatu duenez.
Palestinako Ilargi Gorriaren eta Osasun Ministerioaren arabera, gutxienez 54 zauritu eraman dituzte ospitaleetara, baina Gazako Gobernuak salatu du guztira 92 pertsona inguru zauritu direla, gehienak emakumeak eta haurrak.
Ohar batean, Hamas mugimendu islamista palestinarrak salatu du Rufaida eskolaren aurkako erasoa "sarraski izugarria eta basatia" izan dela.
Ikastetxea, Gazako gehienak bezala, gatazkako errefuxiatuentzako babesleku bihurtu da, eta Palestinako Ilargi Gorriaren kuartel nagusitik gertu dago, Deir al-Balah hirian.
Palestinako iturrien esanetan, 3.000 pertsona inguru zeuden bertan, horietako asko Jabaliatik, Gaza iparraldetik, etorriak; izan ere, Israelgo Armada bertako errefuxiatu-eremuaren aurkako hirugarren erasoaldia egiten ari da lurretik.
Israelgo F-16 hegazkin batek egindako bonbardaketak "eskolako hormigoizko hiru geruzak" zeharkatu ditu, eta eskolan "sarraskia" egin du. "Haragia eta gorputz atalak txoko guztietatik sakabanatu dira, eta jolastokia estali dute", azaldu dutenez.
Gazako agintarien hitzetan, Israelek bazekien ikastetxea milaka zibilen babeslekua zela.
Al Aqsako Martirien Ospitalean (hiriko garrantzitsuenetako bat), gutxienez 50 zauritu hartu dituzte, Bassem al Najjar osasun zentroko Erizaintzako arduradunak jakitera eman duenez. Paziente batzuk lurrean artatu behar izan dituzte, ez baitute lekurik.
Israelgo Armadak baieztatu egin du erasoa. Azpiegitura zibila bonbardatzen duen guztietan bezala esan ohi duenez, "Hamaseko milizianoek gotorleku gisa erabiltzen zuten ikastetxea". Azken asteotan, indar armatu israeldarrek aitortu dute hainbat bonbardaketa egin dituztela Hamaseko borrokalariak ezkutatzen ziren eskolen aurka.
Asteazkenean, Israelek Jabaliako errefuxiatu-eremuko ospitale baten aurka egindako eraso batek gutxienez 18 hildako utzi zituen.
2023ko urriaren 7tik, 42.000 pertsona baino gehiago hil ditu Israelek Gazaren aurka etengabe egindako erasoetan, zerrendako agintarien arabera. Hala ere, beste estimazio batzuen arabera, ia 200.000 dira hildakoak.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".