Europako Batzordea EBtik kanpo "itzulera zentroak" irekitzea aztertzen ari da, migratzaileak deportatzeko
Europar Batasunetik kanpo "itzulera zentroak" sortu eta legez kanpoko migratzaileen deportazioa azkartzea. Hori da, besteak beste, Ursula Von der Leyen Europako Batzordeko presidenteak 27 estatukideei proposatuko diena, datorren ostegun eta ostiralean Bruselan egingo den goi-bileran.
Batzarrera eramango duen txostena aurreratu die estatuburuei Von der Leyenek, gutun batean. 'Legez kanpoko migrazioari aurre egiteko neurri berritzaileak diseinatzea' da testuak jasotzen duen hamar puntuetako baten goiburua. Bertan zehazten denez, gaiaren inguruan Italiak eta Albaniak adostutako eredua baliagarria izan daiteke, etorkizunera begirako erabakiak hartzeko.
"Barne Gaietarako eta Migraziorako Komisarioari eskatu diot zuzendu dezala legez kanpoko migrazioari aurre egiteko konponbideei buruzko gogoeta eta estatukideen proposamenak kudeatu ditzala. EBren printzipioak oinarri hartuta eta nazioarteko zuzenbidea errespetatuta, migratzaileentzat bidezkoak eta jasangarriak izango diren konponbideak bermatu behar dira", esan du Von der Leyenek eskutitzean.
Halaber, buruzagi alemaniarrak esan du erbesteratze prozesuak azkartzeko plana aurkeztuko duela goi-bileran, eta herrialdeen arteko lankidetza "argia" ezinbestekoa izango dela erantsi du.
Meloni, harro
Orain arte, Italiak bakarrik babesten zituen politikak Europa osora zabaldu daitezkeela eta, harro mintzatu da gaur Giorgia Meloni Italiako lehen ministroa, bere gobernua "eredu" bihurtu dela esanez.
Italiako Parlamentuan egindako agerraldian, Melonik azaldu du EBko kideentzat "eredu ona" dela Albaniarekin adostu berri duten migrazio plana. Atzo hasi zen Italia Mediterraneo itsasotik erreskatatutako migratzaileak Albaniako lurretan eraiki dituzten bi zentroetako batera bidaltzen. "Konponbide berria eta ausarta" dela esan du buruzagi italiarrak.
Giza eskubideen aldeko gobernuz kanpoko erakundeek, baita Nazio Batuen Erakundeak ere, gogor kritikatu dute migratzaileak kanporatzeko prozedura.
Zure interesekoa izan daiteke
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".
AEBk are gehiago leundu ditu Venezuelan aritzen diren petrolio-konpainiei ezarritako murrizketak
Petrolio-ekoizpena nabarmen areagotzeko aukera izango dute Repsol, Eni, Chevron, BP eta Shell enpresek baimen berriei esker. Josu Jon Imaz Repsoleko kontseilari delegatuak aurreratu zuen bere enpresa prest dagoela "Venezuelan gehiago inbertitzeko".
EB kide humanitarioekin harremanetan jarri da Kubako "egoera dramatikoa" ikusita
Venezuelak herrialde horren energia-euskarri nagusia izateari utzi ondoren, erregai-horniduraren gabeziak eragindako krisi larria pairatzen ari dira Kuban, Nicolas Maduro presidentea atxilotu ondoren, Washingtonen eta Caracasen arteko harreman berriaren ondorioz.
Erresuma Batuko Justiziak legez kanpokotzat jo du Palestine Action taldea debekatu izana
Londresko Auzitegi Goreneko hiru epaileek adierazi dutenez, 2020an sortutako taldeak protestak egiteko "delituzko metodoak" erabiltzen baditu ere, bere taktikek ez dute legean ezarritako baremoa betetzen terrorista gisa sailkatu ahal izateko. Betoa indarrean sartu zenetik, 2.700 pertsona baino gehiago atxilotu dituzte Palestine Actioni babesa emateagatik. Horietako asko adinekoak dira, eta babesa adierazteko pankarta bat eramate hutsagatik atxilotu dituzte.
Nils eta Oriana ekaitzek kalte handiak eragin dituzte Europa hegoaldean
Azken orduetan Nils eta Oriana ekaitzek uholdeak, 150 km/h-tik gorako haize-boladak eta milaka pertsona argindarrik gabe utzi dituzte Europa hegoaldean. 2026. urtea hasi denetik inpaktu handiko bederatzi ekaitz iritsi dira Europara.
Trumpek bertan behera utzi du berotegi-efektuko gasen emisioa mugatzen zuen Obamaren irizpena
AEBko presidenteak adierazi duenez, "ibilgailu berri baten batez besteko prezioa ia 3.000 dolar murriztuko du".
"Araudia sinplifikatzea" aztertzen ari da EB, ekonomia suspertzeko
Ursula von der Leyen Europako Batzordeko presidenteak agindu du "araudia sinplifikatzeko ahalegina" egingo dutela, baina, aldi berean, beharrezkotzat jo du herrialde bakoitzak bere lege prozedurak arintzea.
Lotsa bortxatzaileek sentitu behar dutela esan du Gisele Pelicotek epaiketa ondoren emandako lehen elkarrizketan
Xabier Ormazabal Parisko korrespontsalak Pelicotek emandako elkarrizketa jarraitu du. Ez da damutzen epaiketa ateak zabalduta egiteaz eta lotsa bere bortxatzaileek sentitu behar dutela dio. Asteartean 'Eta bizipoza' liburua kaleratuko du.