Etxe Zurirako lehiak erne du Europa
Urtebete darama Europar Batasunak (EB) AEBko —bere bazkide komertzial nagusia eta segurtasun berme-emaile garrantzitsua— hauteskundeetako emaitzetarako prestatzen, Europako Batzordearen barruan horretarako beren-beregi sortutako talde batekin. Donald Trumpen garaipenak egoera zaildu diezaioke Europari.
Bruselak, ordea, argi esan du: "batak zein besteak irabazi, alegia, Trumpekin nahiz Harrisekin, harremana orain arteko berbera izango da, AEB eta EB bazkideak eta gertuko aliatuak direlako".
"Hortaz, AEBko bozetako emaitzek ez dute funtsean errealitate hori aldatuko. Dena den, hauteskunde guztiek bezalaxe, eragina izan dezakete bazkideen zuzendaritza politikoan", adierazi du.
Kontu horiek gorabehera, Bruselak urtebete darama emaitzek norainoko ondorioak ekar ditzakeen aztertzen.
Trumpek, adibidez, agindu zuen inportatutako produktuei muga-zergak (% 10 eta % 20 artekoak) ezarriko zizkiela. Neurri horrek Alemaniari, Italiari eta Irlandari eragingo lioke gehien bat, horiek izan baitziren 2023an gehien esportatu zuten herrialdeak, Eurostat agentziaren arabera.
Joe Biden presidentearen Batzordeak eta administrazioak, aitzitik, muga-zergak kentzea adostu zuen, baina orain arteko negoziazioek ez dute fruiturik eman.
AEBren eta Txinaren arteko liskar geopolitikoan ere izango ditu ondorioak emaitzak, eta EBk gatazka horretan noren alde egin erabaki beharko du, Pekinekin gerra komertziala areagotu den garaian, hain justu.
Kontuak kontu, Ukrainako gerraren inguruan Trumpek edo Harrisek hartzen dituzten erabakiak dira EBren kezka nagusia, batez ere, errepublikanoek irabazten badute, Trumpen jokamoldea askoz "iragarriezinagoa" baita. Ekialde Hurbileko gerrak eta Irango programa nuklearrak ere buruhaustea emango die.
Europar buruzagiek Budapesten emango diote AEBko hauteskundeetako emaitzari lehen erantzuna, ostegunean bilduko baitira han, eta ostiralean goi bilera egingo baitute.
Espainiako alderdiak
Espainiako alderdi politiko nagusiek ere AEBn eta hango hauteskunde osteko agertokian jarriko dute fokua asteartean, emaitzek Estatu espainiarrean izan ditzaketen ondorioen aiduru baitaude.
PSOEko Kanpo bozeramaile Sergio Gutierrezek argi dauka Harris "aliatu" dutela, eta Trump, berriz, "mehatxu", "zentzu askotan, gainera; komertzialean baita".
PPren jarrera, ostera, ez da hain markatua, popularrek azpimarratu baitute espero duela presidente berria "Ozeano Atlantikoaz bestaldeko harreman historikoarekin konprometitzea, baita NATOrekin eta Europarekin ere", eta "Espainiaren lagun eta aliatu izaten jarraitzea, merkataritza askea eta giza eskubideak defendatuz".
Sumarren ustez, demokratek irabazten badute, orain arteko harremanari eutsiko diote, Joe Bidenekin "bide onetik" joan direlako. Errepublikanoekin, aldiz, tirabirak egongo liratekeela pentsatzen du Sumarrek.
Bestelako ikuspuntua du Voxek. Alderdi horren esanetan, Harris "PSOEren eta PPren hautagaia" da, "hautagai arriskutsua munduko segurtasunarentzat".
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.