44.700etik gora palestinar hil eta 106.000tik gora zauritu ditu Israelek Gazan burututako erasoaldietan
Etengabe goraka doa Israelek Gazako Zerrendan 2023ko urriaren 7an hasitako sarraskian hildako pertsonen kopurua. Azken balantzearen arabera, 44.700etik gora dira dagoeneko erasoaldietan hildako palestinarrak, eta 106.000tik gora zauritutakoak, Hamasen esanetan.
Gazako Osasun Ministerioak zehaztu duenez, "44.708 dira eraildako palestinarrak, eta 106.050 dira zauritutakoak". Azken 24 orduotan, gainera, 44 pertsona hil eta 74 zauritu ditu Isralek.
Dena den, balantze horrek ospitaletara iritsi diren biktimak soilik hartzen ditu kontuan, bazter utzita "hondakinen artean edo kalean botata" daudenak. Halaber, ez ditu zenbatzen iparraldeko ospitaleetako biktimak, "komunikatzeko dituzten arazoak tarteko".
Su-etena gertu egon liteke, Netanyahuren hitzetan
Israelgo lehen ministro Benjamin Netanyahuk Gazan senitartekoak bahituta dituzten familiekin hitz egin du, Sirian gertatutakoaren ondotik. Izan ere, buruzagi israeldarraren ustez, litekeena da akordio bat adostu eta "bahitutako lagunak askatu ahal izatea".
Netanyahuk berretsi du Israelek Hamasen eta Hezbollahren aurka egindako "eraso ausartak" lagungarri izan direla Siriako erregimenaren aldatzeko.
Azken hiru hilabeteetan bahitutako lagunen senitartekoekin Netanyahuk izan duen lehen bilera izan da gaurkoa, iturri ofizialen arabera.
"Lehen ministroak onartu du akordio negoziatu baten bidez soilik itzuliko direla bahituak, eta prest dagoela menia adosteko, baldin eta horrek gauzak errazten baditu", adierazi dute bahituen familiek ohar batean.
"Aldian behingo bilerak nahi ditugu. Datozen egunetarako aurrerapausoen albisteak espero ditugu", erantsi dute.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.