Amnistia Internazionalaren txosten baten arabera, Israel genozidioa egiten ari da palestinarren aurka
Amnistia Internazionalaren txosten baten arabera, Israel genozidioa egiten ari da palestinarren aurka, Gazako Zerrendaren aurkako erasoaldian. Txosten horren arabera, palestinarrak "suntsitzeko" baldintzak "nahita" ari dira inposatzen.
Agnes Callamard gobernuz kanpoko erakundekoko idazkari nagusiak adierazi duenez, txostenak "erakusten du Israelek Genozidioari buruzko Konbentzioak debekatutako ekintzak aurrera eraman dituela, Gazako palestinarrak suntsitzeko asmoarekin".
Hala, zehaztu duenez, horien artean daude "Gazako biztanle palestinarrak hiltzea, osotasun fisiko edo mentalari kalte larria egitea" eta "nahita suntsipen fisikoa eragingo luketen bizi-baldintzen mende jartzea".
"Hilabeterik hilabete, Israelek giza eskubiderik eta duintasunik merezi ez duen gizapetiko taldetzat hartu ditu Gazako palestinarrak, suntsitzeko asmoa erakutsiz", adierazi du Callamardek.
Ildo horretan, "gertatzen ari dena genozidioa da", berretsi du. "Amaiera eman behar zaio", errepikatu du, eta ohartarazi du "une honetan armak Israeli transferitzen jarraitzen duten estatuek jakin behar dute genozidioa eragozteko betebeharra urratzen ari direla eta konplize izateko arriskua dutela".
"Gure ikerketak agerian uzten du Israelek hainbat hilabetez jarraitu duela eraso genozidak egiten, Gazako palestinarrei eragindako kalte konponezinaz erabat jabetuta", salatu du Callamardek, eta gogorarazi du Israel ekintza horiek egiten ari dela nahiz eta "egoera humanitario tamalgarriaren inguruan hainbat aldiz ohartarazi".
Halaber, Amnistia Internazionaleko idazkari nagusiak azpimarratu du Israelek "Nazioarteko Justizia Auzitegiak juridikoki lotesleak diren erabakien aurka" egiten duela, izan ere, erabaki horietan Tel Aviveko Gobernuari berehala neurriak hartzeko agintzen zaio, "Gazako zibilei laguntza humanitarioa ematea ahalbidetzeko".
Hamas Erresistentzia Islamikoaren Mugimenduak ohar batean adierazi duenez, "Amnistia Internationalak argitaratutako txostena, etsaiak palestinarren aurkako genozidioa nahita egiten duela baieztatzen duena, nazioarteari, Nazio Batuen Erakundeari eta bere erakundeei, genozidioa gelditzeko eta ekintza eza lotsagarri hori gainditzeko egin beharreko lanari buruzko dei berri bat da".
Hala, gobernuz kanpoko erakundeak "AEBek eta beste herrialde batzuek genozidioan parte hartzea" goraipatu du Hamasek, eta mugimendu islamistak egindako salaketen "baieztapena" dela azpimarratu du. Hori dela eta, herrialde horiek "gerra kriminalen aldeko politika lerratuak berehala eteteko" eskatu du, Filastin egunkariak jaso duenez.
Oren Mamorstein Israelgo Atzerri Ministerioko bozeramaileak, aldiz, gobernuz kanpoko erakundea "tamalgarria eta fanatikoa" dela esan, eta txostena "guztiz faltsua eta gezurretan oinarritua" dela erantsi du.
Zure interesekoa izan daiteke
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Munduko fabrika izatetik, Txina lider teknologikoetako bat izatera igaro da, eta etengabe hazten ari da
Txina Irango eta Golkoko beste herrialde batzuetako petrolio eta gas inportatzaile handia da. Hala ere, bere erreserbak maximo historikoetan daude, eta auto elektrikoaren eta energia berriztagarrien aldeko apustuari esker, gerrak ez dio gehiegi eragin, momentuz. Horrela, Iran bazkide estrategikoa den arren, Txina erantzun diplomatikoa ematera mugatzen ari da, bere estrategia epe luzerakoa baita.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, eta Irango portuetara joandako eta handik irtendako ontziak geldiarazi ditu.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.