NBEren Siriako misioak salatu du Israel Banaketa Akordioa urratzen ari dela
Nazio Batuen Erakundeak Sirian duen misioak (UNDOF) gaur salatu duenez, Israelek Siriarekiko Banaketa Akordioa urratu du, Golango gainetan sartu baita. NBEk esan du akordioak indarrean jarraitzen duela, Israelgo Gobernuak adierazi zuen itunak ez duela baliorik igandean Baxar al-Assaden gobernua boteretik kendu dutenetik.
Akordioa arabiarren eta israeldarren arteko 1973ko gerra (Yom Kippur gerra) amaitu ondoren irekitako prozesu politikoaren parte izan zen, eta orain arte UNDOFen kontrolpean egon den eremu desmilitarizatu baten sorrera aurreikusi zuen.
Israelek esan duenez, Siriako mugan dagoen "eremu desmilitarizatuan" sartu dira, "talde jihadisten mehatxuari" erantzuteko.
Horrela, atzera egiteko batere asmorik gabe, Israel Katz Netanyahuren Defentsa ministroak Hermon mendian dituen posizioei neguko hilabeteetan eusteko agindu dio Armadari.
UNDOFek aste osoa eman du isilik, informazioa biltzen, eta, azkenean, gaur iragarri du Israelgo agintariekin harremanetan jarri dela, Israelen presentzia eremu horretan "1974ko Banaketa Akordioaren urraketa" dela azaltzeko.
Israelen trikimailua
X sare sozialeko bere kontuan argitaratutako ohar batean, UNDOFek adierazi du abenduaren 7tik "Israelen presentzia nabarmen handitu" dela Israelgo Armadak NBEko indarren aurkako eraso bat salatu zuenetik, eta 50 urtean aurrekaririk ez duen operazio bat abiatzea erabaki zuela.
UNDOFek baieztatu duenez, "gizon armatuek armak eta munizioak atzeman zizkieten, Hadar inguruan", baina, era berean, bertako buruzagiekin hitz egin ondoren, "arpilatutako hainbat gauza" berreskuratzea lortu zuten, armak eta munizioa barne.
UNDOFek 1.171 soldadu ditu inguru horretan, eta Uruguai, Kazakhstan, India, Fiji eta Nepalgoak dira gehienbat, baita Argentina, Australia, Bhutan, Txekia, Ghana, Irlanda, Hego Korea eta Zambiakoak ere, 150 langile zibilekin batera. Gainera, Golango Begiraleen Taldea beste 92 behatzaile militarrek osatzen dute.
Zure interesekoa izan daiteke
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.