Israelek Kamal Adwan ospitaleko bost osasun langile hil ditu
Israelek Beit Lahiako (Gaza iparraldea) Kamal Adwan ospitaleko bost langile hil ditu gaur, Hussam Abu Safiya zuzendariak jakinarazi duenez. Armada sionistaren setioak 83 egun bete ditu ospitale inguruan. Gainera, erasoak duela astebete areagotu ziren.
Hauek dira erailak: Ahmad Samour pediatra, Israa Abu Zaydeh laborategiko espezialista, Abdul Majid Abu al Aish eta Maher al Ajrami anbulantziako langileak, eta Fares al Houdali mantentze-lanetako espezialista.
Kamal Adwanen 75 zauritu eta 180 langile daude, zuzendariaren arabera, eta guztira 350 pertsona inguru daude azpiegituraren barruan.
Gaur arratsaldean, Abu Safiyak beste ohar bat igorri du ospitalearen egoeraz eta Israelgo Armadaren erasoak gero eta bortitzagoak zirela ohartaraziz.
"Leherketetako baten metraila eraikinean sartu eta paziente baten gelan kalteak eragin ditu, Hassan al Dabous erizaina zaurituz. Zauri larria du buruan", kontatu du medikuak, eta Al Dabous oso larri dagoela ziurtatu du.
Ospitaleko beste langile bat zauritu da gaur, granada batek eztanda eginda, drone batek jaurti ondoren.
Gainera, ospitaleko zuzendariak salatu duenez, lehergailuz betetako hamar bat ibilgailu zartarazi dituzte ospitalearen inguruan, eta kalte handiak eragin dituzte.
Bestalde, gutxienez lau haurtxo hil dira azken orduetan hotz handiaren ondorioz, agintari gazatarren arabera. WAFA albiste agentziak jakitera eman duenez, azken 72 orduetan laugarren umetxo bat hil da Gazan.
Guztira, 45.399 pertsona hil dituzte Gazan azken 14 hilabeteetan; horietatik % 70 emakumeak eta haurrak dira, eta 107.940 zaurituak. Zenbaki horiek ez dituzte barne hartzen 11.000 gorpu inguru, Zerrendako Osasun Ministerioaren arabera, hondakinen artean jarraitzen dutenak edo errepideetan daudenak, erreskate taldeek sartu ezinda.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.