Israelgo Armadak Kamal Adwan ospitaleko zuzendaria atxilotuta duela baieztatu du
Israelgo Armadak gaur baieztatu duenez, Hussam Abu Safiya Gazako Zerrendako iparraldeko Kamal Adwan ospitaleko zuzendaria atxilotuta dauka, eta Hamas erresistentzia palestinarreko kidea izatea eta "eraso terroristetan" parte hartzea egotzita.
Lehen aldia da Israelek publikoki baieztatzen duela Safiya atxilotu duela, azken egunetan horren "zantzurik" ez zegoela ziurtatu ondoren.
"Hamaseko eta Jihad Islamikoko ehunka terrorista Kamal Adwan ospitalean ezkutatzen ziren, haren zuzendaritzapean. Gaur egun, Israelgo segurtasun indarrak hori ikertzen ari dira", azaldu du bozeramaile militar batek.
Abu Safiya duela bi hilabete baino gehiagotik Zerrendako iparraldean jasaten ari den setio gogorraren aurpegirik ikusgarrienetako bat bihurtu zen, eta azken asteetan ia egunero argitaratzen zituen Kamal Adwaneko egoerari buruzko bideoak. Gainera, Israelen etengabeko erasoak gorabehera pazienteak artatzen jarraitzen zuen Safiyak.
Ostiralean eta larunbatean atxilotu zuten doktorea, Armada sionistak Kamal Adwan ospitalea husteko agindua eman eta su eman ondoren. Gazako iparraldean oraindik lanean ari diren ospitale bakanetako bat zen.
Atxiloketaren ondoren, Safiyaren arrastoa galdu zen. Sare sozialetan zabaldutako azken irudiak erakutsi zuenez, tanke zutabe batera hurbildu zen, hondakinez betetako kale baten erdian.
Ospitaleko zuzendariaren senideek, Munduko Osasun Erakundeak (MOE) eta mundu osoko gobernuz kanpoko erakundeek medikua askatzea eskatu dute.
Armada sionistak beste ospitale bat husteko agindua eman du
Bestalde, Israelgo Armadak ebakuazioa agindu duela salatu dute gaur Indonesia ospitaleko osasun-langileek, Zerrendako iparraldean martxan dagoen bakarra.
Hala ere, Nadav Shosani Israelgo Armadako nazioarteko bozeramaileak ukatu egin du bere tropek iparraldean martxan dagoen ospitale bakarra ebakuatzeko agindua eman dutela eta eraso egin diotela.
Israelek iparraldeko beste ospitaleari, Kamal Adwani, eraso egin ondoren, joan den asteburuan paziente asko Indonesiara eraman zituzten. Indonesiak martxan jarraitzen zuen, nahiz eta Armadaren etengabeko erasoek kalte handiak eragin.
Israel "lur erreko" politika aurrera eramaten ari da Gazako Zerrendaren iparraldean duela ia 90 egunetik, eta, ondorioz, 3.000 hildako baino gehiago, milaka desagertu eta suntsipen izugarria eragin ditu inguru horretan.
Bonbardaketek ez dute etenik
Israelgo ehiza-hegazkinek eta itsasontziek gutxienez 42 pertsona hil dituzte gaur Gazan, azken 24 orduetan beste 100 palestinar eraso gehiagotan hil ostean, iturri medikoen arabera.
Guztira, soilik Gazan 45.658 pertsona hil dituzte indar sionistek, horietatik % 70 emakumeak eta haurrak, eta beste 108.583 zauritu, Zerrendako Osasun Ministerioak egindako zenbaketaren arabera.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.