Gonzalez Urrutiak bira hasi du Venezuelako presidentetza eskuratzeko babesak lortzeko
Edmundo Gonzalez Urrutia Venezuelako oposizioko buruak nazioarteko bira hasi du larunbatean Argentinan, eta, besteak beste, Ameriketako Estatu Batuetan izango da, datorren ostiralean Venezuelako Presidentetza eskuratzeko babesak biltzeko asmoz. Nicolas Maduro egungo agintariarekin lehia bizia du.
Gonzalez Urrutiak (75 urte) asilo politikoa du Espainian irailetik. Larunbatean, Javier Milei presidentearekin bildu da Etxe Arrosan, Argentinako Gobernuaren egoitzan. Mileik uztailaren 28ko hauteskundeetako garailetzat aitortu du, eta Venezuelan trantsizio demokratikoa lortzeko babesa eman dio.
Venezuelara itzultzeko eta Presidentetza hartzeko zailtasun handiak izango dituela jakinda, Gonzalez Urrutiak beste gobernu batzuen babesa sendotzeari ekin dio.
Uztailaren 28ko hauteskundeen ostean, agintari chavistek eta oposizioko kideek garaipena aldarrikatu dute.
Gomez Urrutia "datozen orduetan" Ameriketako Estatu Batuetara joango da, Joe Bidenekin biltzera, baita Panamara eta Dominikar Errepublikara ere.
"Gaur, inoiz baino gehiago, geografikoki eta emozionalki gertuago sentitzen naiz venezuelarrek uztaileko hauteskundeetan emandako agindua betetzetik", esan du politikariak, Gerardo Werthein Argentinako kantzilerrarekin eta Patricia Bullrich Segurtasun ministroarekin batera emandako presntaurrekoan.
2013tik boterean dagoen Nicolas Madurok urtarrilaren 10ean beste agintaldi bat hasteko asmoa du. Maduroren gobernuak ordainsaria eskaini du Gonzalez Urrutiaren truke; izan ere, atxilotzeko agindua eman du eta hainbat delitu leporatu dizkio.
"Nik ez dut esan dudana baino gehiago esango: nire asmoa Venezuelara joatea da, 7 milioi botorekin aukeratu nindutenean venezuelarrek eman zidaten agindua hartzera", adierazi du Gonzalez Urrutiak.
Zure interesekoa izan daiteke
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.