Machadok iragarri du Gonzalez Urrutia "une egokian" joango dela Venezuelara
Maria Corina Machado Venezuelako oposizioko buruak ostiral honetan adierazi duenez, Edmundo Gonzalez Urrutia ezin iza da Venezuelan sartu. Gaineratu du baldintzak betetzen direnean joango dela herrialdera presidente karguaz jabetzera, orain ez baita "komenigarria".
"Orain ez dela komenigarria erabaki dugu. Bere segurtasuna funtsezkoa da erregimenaren porroterako eta demokraziarako trantsiziorako", gaineratu du Instagramen argitaratutako bideo batean.
Machadoren esanetan, Venezuelako Gobernuak "herrialdearen aire-eremua ixteaz gain, aireko defentsa-sistema osoa aktibatu du", eta, beraz, iragarri du oposizioko burua "une egokian, baldintzak egokiak direnean" iritsiko dela herrialdera, presidente izateko zina egitera.
Nicolas Madurok, bere aldetik, hirugarrenez hartu du presidentearen kargua, eta, horri erantzunez, oposizioko buruak salatu du "Estatu kolpe" bat egin duela, "venezuelarren eta munduaren aurrean".
"Konstituzio nazionala urratzen duen marra gorria zeharkatzea erabaki dute. Gure Konstituzioa zapaltzen dute, eta Madurok Konstituzioa urratu du, Kubako eta Nikaraguako diktadoreak alboan dituela. Horrek dena esaten du", adierazi du Machadok, Miguel Diaz-Canel eta Daniel Ortega bi herrialde horietako presidenteei erreferentzia eginez.
Machadok berriro aldarrikatu du Edmundo Gonzalez Urrutiak uztailean garaipena lortu zuela, eta ostegun honetan herrialdean izandako protestak goraipatu ditu: "Herrialdearen askatasuna gertu dago. Atzo Venezuelak herrialde osoan zabaldutako adorea ikusi zuen, gaur munduak beldurra ikusten du areto batean itxita. Ez izan zalantzarik, hau amaitu da".
Atxilotu eta askatu, manifestazioaren ondoren
Machadok esan du "ondo" dagoela, baina "min eta kolpe handiak" dituela gorputzaren "zati batzuetan", bezperan atxilotu eta gero. Bere taldeak atzo salatu zuen Caracasen egindako protesta batetik irteterakoan atxiki zutela, eta oposizioko buruak esan du Polizia Nazionaleko kideek eraman zutela, baina handik gutxira aske utzi zutela.
Ildo horretan, "munduko liderrek, munduko toki guztietako gobernuek, egindako adierazpenei eta ohartarazpenei" egotzi die askatzeko erabakia, eta "Venezuelaren aliatu demokratikoei esker ona" adierazi die.
Zure interesekoa izan daiteke
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.