Alemaniako eskuin-muturrak Alice Weidel aukeratu du aho batez kantziler izateko hautagai
AfD Alemaniako eskuin-muturreko alderdiko kideek aho batez aukeratu dute Alice Weidel otsaileko hauteskundeetan kantziler izateko hautagai izan dadin.
Alderdiko 600 ordezkariak kongresua egiten ari dira asteburu honetan, segurtasun-neurri eta protesta handien erdian, Riesan, Saxonian, euren gotorleku politikoan.
Tino Chrupallak, Weidelekin batera AfDren presidente denak, ireki du kongresua, eta azpimarratu du inkestetan gora egiten ari direla, eta oraingoz % 20ko boto-asmoa lortu dutela. "Portzentaje hori atzean utzi eta hazten jarraitu behar dugu" adierazi du, eta "hurrengo kantzilerra" aurkeztu du jarraian.
Ondoren, Weidel bozketarik egin gabe izendatu dute hautagai: ordezkari guztiak altxatu eta txaloka hartu dute alderdiko beste presidentea.
45 urteko hautagai ultraeskuindarrak bere balizko gobernuaren lehenengo 100 egunetan egingo lukeena azaldu du. Mugak ixtea, "aberriratze handiak" eta "berremigrazioa" aipatu ditu lehen eginbeharren artean.
Era berean, "errota eoliko guztiak eraitsi" eta energia nuklearraren aldeko apustua egingo duela hitzeman du. Horretarako, "martxan dauden zentral nuklearrak sarera lotzea" eta ikatz zentral termikoen biziraupena luzatzea proposatu du.
"Genero azterketa guztiak itxi, eta irakasle horiek guztiak kaleratuko ditugu", esan du, unibertsitateak "queer-progreen entrenamendu leku" bilakatu direla gaineratu aurretik.
Widelek aurreratu du Alemaniak Errusiaren gas naturala jasoko lukeela berriro Nord Stream gasbidetik, eta eskerrak eman dizkio Elon Muski AfD babesteagatik.
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.