Trump: "Estatu Batuen urrezko aroa hasiko da orain"
Donald Trump AEBko presidenteak adierazi du herrialdearen "urrezko aroa" orain hasiko dela, gaur arratsaldean karguaren zina egin eta gero egindako lehen hitzaldian. Horretan, gainera, agintaldiko lehen neurriak zeintzuk izango diren aurreratu du, hala nola Mexikoko mugan "larrialdi nazionala" deklaratzea eta gas eta petrolio erauzketak areagotzea.
"AEB errespetatuko dute berriro mundu osoan", azpimarratu du, Kapitolioan egindako ekitaldian. Bertan, hauteskunde kanpainako aldarri nagusiak errepikatu ditu.
Hori horrela, nabarmendu du AEB "lehen tokian" jarri nahi duela. Are gehiago, gaurkoa "Askapen Eguna" dela esan du.
Kanpainan pairatutako hilketa saiakerak ere ekarri ditu gogora, eta iritzi dio "Jainkoak" itzultzen utzi diola, "AEB berriro handi izan dadin".
"Larrialdi nazionala", Mexikoko mugan
Trumpen esanetan, bere lehen neurria izango da Mexikoko mugan "larrialdi nazionala" deklaratzea. Era berean, berretsi du "milioika gaizkile atzerritar" kanporatuko dituela. "Gera zaitez Mexikon politika ezarriko dugu", azaldu du.
Horren ildotik, aurreratu du Mexikoko kartelak erakunde terrorista izendatuko dituela.
"Bi genero baino ez"
Arlo sozialean, presidente berriak iragarri du hemendik aurrera "bi genero" baino ez dituztela aitortuko: "gizonezkoa eta emakumezkoa". "Kolorearen aurrean itsu izango den gizartea eraikiko dugu; merituak baino ez dira kontuan hartuko", erantsi du.
Halaber, jakinarazi du covidaren aurkako txertoa jartzeari uko egiteagatik kanporatu zituzten soldaduak berriz onartuko dituela.
Bestalde, muga-zergak jartzeko konpromisoa berretsi du, eta ezagutarazi "larrialdi energetikoa" deituko duela. "Zulaketak egingo ditugu", adierazi du, gas eta petrolio erauzketak areagotuko dituelako.
Panamako kanala "berreskuratzea"
Trumpek aipamen eskas egin dizkie nazioarteko gaiei, eta egin dituen bakarrenetakoak AEBren nagusitasuna inposatzeko izan da. Adibidez, Mexikoko Golkoari izena aldatu eta Amerikako Golkoa deituko diola aurreratu du.
Panamako Kanala ere jarri du mahai gainean, eta kanpainan esan bezala, hura "berreskuratu" egingo duela eman du jakitera. Izan ere, herrialde hartako agintariek kanala Txinaren esku utzi dutela argudiatu du.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".