AEB-Kuba akordioak sei egun baino ez du iraun, Trumpek Bidenen erabakia atzera bota ostean
Sei egun besterik ez du iraun Biden Administrazioaren eta Habanako Gobernuaren arteko akordioak. Akordio horren arabera, Washingtonek Kuba "zerrenda terroristatik" atera zuen, uharteko Gobernuak preso asko askatzearen truke.
Donald Trump errepublikanoak lehen orduetan sinatu duen agindu mordoxkan zegoen Kuba "terrorismoa babesten duten herrialdeen zerrendara" itzultzea. Ondorio ekonomiko larriak ekarriko dituen neurria da.
Estatu idazkari berriak, jatorri kubatarreko Marco Rubiok, aurreratu zuen erabakia, Kubako Gobernuaren aurkako politika gogorraren aldekoa baitzen. Senatuan egindako agerraldian, Rubiok aurreratu du Bidenen administrazioak hartutako erabakiek ez zutela inola ere errepublikanoen gobernu berriaren erabakiak mugatuko.
Bestalde, Miguel Diaz-Canel Kubako presidenteak "isekatzat" jo du Joe Biden demokrataren azken erabakietako bat bertan behera uztea. Bere ustez, Trumpen "harrokeria ekintza" bat da, "egia" mespretxatzen du, eta "Kubaren aurkako gerra ekonomiko krudela menderatze helburuak" indartu nahi ditu.
Orain arte, uharteko giza eskubideen aldeko gobernuz kanpokoen erakundeen arabera —Justicia 11J, Kubako Giza Eskubideen Behatokia (OCDH) eta Prisoners Defenders—, arrazoi politikoengatik preso zeuden 150 bat pertsona irten dira kartzelatik astelehenera arte, akordio horri esker.
Hala ere, badira neurri horretaz baliatu diren preso arrunten kopuru zehaztugabe bat ere.
Gobernuz kanpoko erakundeen ahotan, espetxetik atera dituztenen artean, 2021eko uztailaren 11ko Gobernuaren aurkako protestetan parte hartu zuten eta ofizialki baldintzapeko askatasunean (zigorra iraungi gabe) geratu diren gizon gazteak dira nagusi.
Onuradunen artean, oposiziogile historikoak ere badaude, hala nola Felix Navarro eta Jose Daniel Ferrer, eta Pedro Albert Sanchez, Luis Robles eta Tania Echeverria ekintzaileak.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.