Israelgo Armadak erasoaldia abiatu du Jeninen, Zisjordanian, eta zortzi palestinar hil ditu
Israelek beste operazio bat abiatu du astearte honetan Zisjordaniako Jenin hiriaren kontra, eta gutxienez zortzi palestinar hil ditu, Palestinako agintariek salatu dutenez.
"Zortzi martiri eta 35 zauritu baino gehiago Jeninen aurkako erasoaren ondorioz", adierazi du Palestinako Agintaritzari lotutako Osasun Ministerioak, hasiera batean Israelek hiriaren aurka egindako bonbardaketa baten ondorioz hildako bat izan direla baieztatu ostean.
Palestinako Wafa albiste agentziaren arabera, Israelen tropa Al-Jalameko kontrol postutik sartu dira hirian, eta, ondoren, hiriko hainbat auzotan zabaldu dira. Besteak beste, Jeningo errefuxiatuen kanpamenduko etxebizitza bat inguratu dute soldaduek.
Aurretik, Israelgo Armadak ohar bat kaleratu du jakinarazteko "Israelgo Defentsa Indarrek, Shin Betek eta Mugazainek terrorismoaren aurkako operazioa" abiatu dutela Jeninen; operazio horri 'Burdinazko Harresia' deitu dio.
Testuinguru horretan, Benjamin Netanyahu Israelgo lehen ministroak esan du operazioa "zabala eta esanguratsua" dela, eta helburua "Jeninen terrorismoa desagerraraztea" dela. "Ezarritako helburua lortzeko beste urrats bat da hau: Judean eta Samarian segurtasuna indartzea", adierazi du, Zisjordaniaren izen biblikoa erabilita.
Palestinako Agintaritzaren eta Hamasen kondenak
Mohamed Mustafa Palestinako lehen ministroak operazioa gaitzetsi du dagoeneko, eta "Israelen neurri oldarkorren" aurka egin du, Wafak jaso duenez.
Ildo horretan, Rauhi Fatu Palestinako Kontseilu Nazionalaren presidenteak Israelek Jeninen egindako operazioa gaitzetsi du, eta "Israelek Zisjordaniako zati handiak anexionatzeko egin dituen prestaketen parte" dela adierazi du.
Faturen esanetan, Israel "hiriak isolatzea, kontrol postuak altxatzea eta setio zorrotza ezartzea dakartzaten neurriak hartzen ari da" Zisjordanian, eta, horregatik, Donald Trump AEBko presidente berriari eta nazioarteari "Israelek erasoa gogortu ez dezan berehala esku hartzeko" eskatu die.
Bestalde, Zisjordanian "mobilizazio orokorra" egiteko deia egin du Hamasek, "Jeningo okupazioaren erasoari aurre egiteko eta erresistentziako borrokalariei babesa emateko".
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.