Putinek eta Xik Errusiaren eta Txinaren arteko aliantza berretsi dute Trumpen inbestiduraren ostean
Vladimir Putin eta Xi Jinping Errusiako eta Txinako presidenteek, hurrenez hurrena, bi estatuen arteko aliantza estrategikoa berretsi dute bideokonferentzia batean, Donald Trump AEBko presidente izendatu eta biharamunean.
"Zurekin bat nator Moskuren eta Pekinen arteko lankidetzaren oinarria interes nazional asko direla, baita potentzia handien arteko harremanak nolakoak izan behar diren adostasuna ere", esan dio Putinek bere solaskideari, Errusiako telebistak zabaldutako irudien arabera.
Kremlineko buruzagiak nabarmendu duenez, "kanpo-politikako harremanek eta Errusiaren eta Txinaren arteko elkarlanak objetiboki egonkortasuna bermatzen dute nazioarteko gaietan".
"Ez dugu onartu behar faxismoaren, nazismoaren eta militarismoaren ideologiak burua berriro altxatzea. Garrantzitsua da, guk bezala pentsatzen duten beste pertsona batzuekin batera, kontu handiz egia historikoa zaintzea eta defendatzea", azpimarratu du.
Era berean, Xik nabarmendu du Txina prest dagoela harremanak sakontzen jarraitzeko. "Urte berrian, zuekin batera Txina-Errusia harremanak maila berrietara eramateko prestatzen ari gara", adierazi du agintari txinatarrak. Gaineratu duenez, Pekinek eta Moskuk "egonkortasunean oinarrituta ziurgabetasunari aurre egiteko" asmoa dute.
Xik telefonoz hitz egin zuen Trumpekin inbestiduraren bezperan, eta Putinek hurrengo egunetan gauza bera egitea espero du.
Bestalde, Sergei Lavrov Errusiako Atzerri ministroak garrantzia kendu die Trumpek hartutako lehen neurriei. "Horrek adierazten du zein metodo erabiliko dituzten Trump presidenteak eta bere Administrazioak AEBren interesak defendatzeko mundu mailan", azaldu du Ararat Mirzoyan Armeniako presidentearekin Moskun emandako prentsaurrekoan.
Horren ildotik, Errusiako diplomaziaren arduradunak adierazi duenez, Etxe Zurian nor dagoen alde batera utzita, "ez da inoiz ezer aldatu", eta Washingtonen helburu bakarra "beste edozein lehiakide baino indartsuagoa izatea da", Errusiako albiste agentziek jaso dutenez.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.