Trumpek Kanadarekin eta Mexikorekin hitz egingo du gaur, muga-zergak indarrean sartu bezperan
Bihar, asteartearekin (Washingtonen 00:01 direnean, 06:01, Euskal Herrian), sartuko dira indarrean AEBk Kanadari, Mexikori eta Txinari, hurrenez hurren, ezarri dizkien % 25 eta % 10eko muga-zergak. Hiru herrialdeek dagoeneko iragarri dute modu bertsuan erantzungo dutela. Mundua gerra komertzialaren ate-atean dago, bada.
Indarrean sartu bezperan, Donald Trump AEBko presidenteak Claudia Sheinbaum Mexikoko buruzagiari eta Justin Trudeau Kanadako lehen ministroari telefonoz deituko die.
"Trudeaurekin bihar (gaurkoagatik) goizean hitz egingo dut, Mexikorekin ere bihar arituko naiz. Ez dut ezer izugarririk espero. Muga-zergak ezarri ditugu. Diru asko zor digute, eta ziur naiz ordainduko digutela", adierazi die bart kazetariei.
Kanadak eta Mexikok esana dute muga-zergoi erantzun egingo dietela. Justin Trudeau Kanadako lehen ministroa izan da hitz egiten lehena, eta iragarri du errepresaliak hartuko dituela eta % 25eko muga-zerga ezarriko diela AEBtik inportatzen dituzten produktuei, eta aurreratu du horrek 155.000 milioi dolarreko eragina izango duela. Sheinbaumek, oraingoz, ez du zehaztu zer nolako erantzuna emango duen, eta iragarpena atzeratu du. Gaur argituko omen du.
Fentaniloaren krisiari aurre egiteko negoziazio mahaia osatzea proposatu dio Mexikoko presidenteak Trumpi. AEBko presidenteak eskaintzari erantzun ezean iragarri du neurriak hartuko dituela.
"Mexikok ez du liskarrik nahi. Auzoko herrialdeekin lankidetzan aritzeko prest gaude. Mexikok ez du nahi AEBra fentanilorik heltzea, baina ez du beste inora heltzea nahi", azpimarratu du.
Bien bitartean, Txinak iragarri du "dagokion erantzuna" emango diola AEBri bere eskubideak eta interesak "zaintzeko", eta, besteak beste, Munduko Merkataritza Erakundean salaketa jartzeko aukera aipatu du.
Europar Batasunari ere bai, baina datarik gabe
Mexiko, Kanada eta Txinari ezarritako muga-zergen dekretua sinatuta du Trumpek, baina iradoki duenez, "aurki" gauza bera egingo du Europar Batasunarekin ere (EB). "Ez dituzte gure kotxeak erosten, ezta gure nekazaritza produktuak ere. Ez dute ia ezertxo ere erosten, eta guk, ordea, milioika kotxe, elikagai kopuru handia eta nekazaritza produktuak erosten dizkiegu", adierazi du bart, Marylanden. "Ez du datarik, baina laster izango dela esango nuke", erantsi du.
Erresuma Batuari buruz, zuhurrago agertu da Trump. Horren ustez, "gehiegikeriaz jokatu du, baina konpon liteke". Nabarmendu duenez, Keir Starmerrekin izan dituen hartu-emanak "oso atseginak" izan dira. "Pare bat bilera eta hainbat dei izan ditugu. Oso ondo konpontzen gara", argitu du.
Zure interesekoa izan daiteke
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.
Macron: "Ormuzko itsasartea pixkanaka irekitzeko defentsa-misio bat martxan dago"
Misio hori "herrialde europar eta ez europarrekin" egin beharko litzateke, "behin gatazkaren faserik kritikoena amaitutakoan". Estatuburuak zehaztu duenez, planak "laguntza helburu baketsua" izango luke, eta hainbat ontzi mota "eskoltatzea" izango litzateke bidea, "gasa eta petrolioa" berriro Ormuzetik igaro ahal izateko. Bestetik, G7 herrialdeek ez dute momentuz erreserban daukaten petrolioa askatuko, nahiz eta ez duten baztertzen etorkizunean erabaki hori hartzea.
EBk ez du Mojtaba Khameneiren izendapenari buruzko iritzirik eman, eta Txinak eta Errusiak onartezintzat jo dute haren aurkako ezein eraso
Trumpek, berriz, azpimarratu du ez dagoela pozik hautuarekin. The New York Post egunkari estatubatuarrari egindako adierazpenetan, baieztatu du ez datorrela bat Adituen Batzordeak hartutako erabakiarekin. Edonola ere, ez du aurreratu buruzagi berria AEBren erasoaldiaren jomugan den ala ez.
Industria kimikoaren eta droga-trafikatzaileen arteko loturak baimentzea leporatu dio AEBk Txinari
Iaz 80.000 pertsona inguru hil ziren AEBn drogekin lotutako gaindosi eta intoxikazioengatik; horietako asko, kokaina eta metanfetamina fentaniloarekin nahastuta kontsumitzeagatik.