Beste hiru gatibu israeldar askatuko dituzte larunbat honetan preso palestinarren truke, su-etenaren baitan
Al-Qassam Brigadek, Hamas Palestinako erresistentzia mugimenduko beso armatuak, larunbat honetan preso palestinarren truke askatuko dituen hiru gatibu israeldarrak nortzuk diren zabaldu du, Hamasen eta Israelen arteko su-eten akordioaren ondorioz egingo duten bosgarren trukearen baitan.
Abu Obeida Hamaseko bozeramaile militarrak zehaztu duenez, askatuak Or Levi, Eli Sharabi eta Ohad Ben Ami izango dira, hurrenez hurren, 34, 52 eta 56 urteko gizonak.
Bestalde, Hamas Palestinako erresistentzia mugimenduak Israelekin urtarrilaren erdialdean itxitako su-eten akordioarekin duen konpromisoa berretsi du gaur, baina itunaren bitartekariei dei egin die Israelgo agintariei presioa egin diezaieten, arlo humanitarioan hartutako konpromisoak bete ditzaten.
Abdulatif al Qanou Hamaseko bozeramaileak azaldu duenez, Israel "protokolo humanitarioaren ezarpena atzeratzen ari da", batez ere kanpin-dendak, hondakinak erretiratzeko materiala, erregaia eta Armada sionistak suntsitutako lurralde palestinarra zaharberritzeko materiala bidaltzeko konpromisoari dagokionez.
"Bitartekariei eskatzen diegu ahaleginak areagotzeko, okupazioari presioa egiteko eta protokolo humanitarioa ezartzera behartzeko", gaineratu du Al Qanouk Filastin egunkarian.
Azkenik, Al Qanouk eskerrak eman dizkie Donald Trump AEBko presidenteak palestinarrak Gazako Zerrendatik kanporatzeko aukeraren inguruan egindako adierazpenen aurka agertu diren herrialde guztiei.
Zentzu horretan, Abdel Fatah al-Sisi Egiptoko presidenteak eta Antonio Guterres Nazio Batuen Erakundeko idazkari nagusiak Gazako "berreraikuntza bizkortzeko" eskatu dute gaur, Zerrenda hustu eta palestinarrak deserriratu beharrean.
Benjamin Netanyahu Israelgo lehen ministroak ostegunean ziurtatu zuenez, "merezi du arretaz entzutea" Trumpek Gazako palestinarrak modu masiboan deserriratzeko egindako proposamena, haren bulegoak goizaldean zabaldutako hitzaldi baten arabera.
Netanyahuk pozik hartu du Trumpek Nazioarteko Zigor Auzitegiaren aurka sinatutako agindua, auzitegi hori "antisemita eta antiamerikarra" baita, horren hitzetan. Gazan ustez egindako gerrako krimenengatik eta gizateriaren aurkako krimenengatik Netanyahu atxilotzeko agindua eman zuen Nazioarteko Zigor Auzitegiak.
Bonbardaketak Zisjordanian
Bitartean, Israelgo Armadak Tamun hiria bonbardatu du gaur, Zisjordania okupatuaren iparraldean, bertako iturriek jakitera eman dutenez. Eremu horretan, erasoaldi militarrak 26.000 palestinar baino gehiago desplazatu ditu Tulkaremen eta Jeninen, zonaldeko agintarien arabera.
Seigarren egunez jarraian, Tamunen eta Faraako errefuxiatu-eremuan operazio militarra abiatu zuenetik, Israelek "hamar aldiz baino gehiagotan bonbardatu ditu hainbat gune eta kale, herritarrei mugitzea eta bidaiatzea galarazteko", salatu du Wafak aipatutako tokiko iturri batek.
Tamun hiriak bi egun daramatza etxeratze-agindupean. Israelek, berriz, errefortzuak bidaltzen jarraitu du Hamrako kontrol-postuaren bidez, azpiegiturak eta etxebizitzak suntsitzeko.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.