Trumpek muga-zergak iragarri ditu automobilgintza sektorean apirilaren 2rako
Donald Trump AEBko presidenteak ostiralean iragarri zuenez, automobilgintza sektorerako muga-zergak ezarriko ditu apirilaren 2tik aurrera, eta esan du ez duela egun bat lehenago egingo bertako inuzenteen egunean izan ez dadin.
"Apirilaren 1ean jarriko nituzke indarrean. Sinets iezadazue. Baina superstiziosoa naiz. Asmoa apirilaren 1erako zen, baina 2an egitea proposatu nuen. Badakizue zenbat galtzen den egun bakar batean? Baina apirilaren 2an egingo dugu", adierazi zuen prentsaren aurrean, Etxe Zurian egindako agerraldian.
AEBko produktuei muga-zergak jartzen dizkieten herrialdeei "elkarrekiko muga-zergak" ezartzeko agindua sinatu eta biharamunean iragarri du automobilgintza sektorerako neurria.
Muga-zerga berriak ez dira berehala sartuko indarrean, "aste edo hilabete batzuk barru" baizik, eta merkataritza defizit handiena duten herrialdeak izango dira ordaintzen lehenak.
Automobilgintza sektorearen aurkako mehatxuak Japonia, Alemania eta Hego Koreako marka handiei eragingo die. Iaz AEBko autoen merkatuan saldutako ibilgailuen erdiak inportatuak izan ziren. Adibidez, Volkswagenek AEBn saldutako ibilgailuen % 80 eta Hyundai-Kiak saldutakoen % 65 inguru inportatuak izan ziren.
Albiste gehiago mundua
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.
Parazetamola, haurdunaldia eta autismoa: ikerketa askok baztertzen duten korrelazioa
Zientzialarien esanetan, parazetamola beste edozein aukera baino hobea da haurdun dauden emakumeen mina arintzeko. Gainera, seme-alaba autistak dituzten familiak estigmatizatzeko arriskuaz ohartarazi dute, gurasoek eragin duten ustea zabal daitekeelako.
Jimmy Kimmelen programa bueltan da, Charlie Kirken hilketari buruzko iruzkinengatik bertan behera geratu ostean
"Jimmy Kimmel Live!" umorezko late night arrakastatsua ABC katera itzuliko da, saioa kendu izanak Ameriketako Estatu Batuetan sortutako polemikaren ostean.
Beste hamaika herrialdek onartu dute Palestinako Estatua
Frantzia, Belgika, Luxenburgo, Andorra, Malta, Monako eta San Marino izan dira pausoa ematen azkenak, New Yorken bi estatuen konponbidea gauzatzeko pausoak zehazteko asmoz egindako goi bileran.
Trumpek parazetamola autismoarekin lotu du, ebidentzia zientifikorik ez dagoen arren
Donald Trumpen Gobernuak lotura posible bat aurkitu omen du autismoaren eta haurdunaldian parazetamola kontsumitzearen artean. AEBko presidenteak Etxe Zurian iragarri du aurkikuntza, adituek teoria horren sendotasun zientifikoa zalantzan jartzen duten arren.
Albiste izango dira: Nazio Batuen Batzar Nagusia, Zinemaldia eta eguraldia
Gaurkoan Orain-en albiste izango direnen laburpena, bi hitzetan.
Palestinako Estatuaren aitortza erdigunean dela abiatuko da NBEren 80. Batzar Nagusian
Erresuma Batuak, Kanadak, Australiak, Portugalek eta Frantziak aitortu dute ofizialki Palestinako Estatua, goi-bileraren bezperan. Horren aurrean, Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
"Ondorio juridikoak baino, garrantzi politikoa du nazioarteak Palestina aitortzeak"
Victor Amado EHUko Historia Garaikideko irakasleak uste du onarpenarekin Palestinak nazioarteko zilegitasuna irabaziko duela, Netanyahuren erregimen gero eta isolatuagoaren aurrean.
NBEk gerra eta gizateriaren aurkako krimenak leporatu dizkio Errusiari, Ukrainan egindako gehiegikeriengatik
Ikertzaileek Ukrainako zibilen aurkako eraso indiskriminatuak salatu dituzte.