Bezosek 'The Washington Post' egunkariari "merkatu librearen" aldeko iritziak argitaratzeko agindu dio
Jeff Bezos handi-mandiak iritzi atala aldatzeko agindua eman dio gaur The Washington Post egunkariari, eta, aurrerantzean, "norbanakoen askatasunen eta merkatu librearen" aldeko zutabeak argitaratuko ditu egunero.
"Egunero idatziko dugu bi oinarri babesteko: askatasun pertsonalak eta merkatu libreak", adierazi du Donald Trump AEBko presidentearekin gero eta lerrokatuago dagoen Bezosek egunkariko langileei bidalitako mezu batean.
"Beste gai batzuk ere jorratuko ditugu, jakina, baina oinarri horien aurkako ikuspuntuak beste batzuek argitara ditzatela", gaineratu du Amazonen sortzaileak.
David Shipley Posteko iritzi ataleko buruzagiak kargua utzi du erabaki horren ondorioz, Bezosek jakitera eman duenez.
Enpresaburuak azaldu duenez, iraganean zentzua zuen egunkariek "ikuspuntu guztiak" biltzen zituen iritzi atal bat irakurleengana eramateak, baina "gaur egun Internetek egiten du lan hori".
Aurreko hauteskunde kanpainan, Washington Post egunkariak Kamala Harris hautagai demokratari babesa emateko hartutako erabakia geldiarazi eta hauteskundeen aurrean "neutraltasuna gordetzeko" agindu zuen Bezosek.
Ameriketako Estatu Batuetako hiriburuko egunkariak demokraten presidentegaia babestu ez duen lehen aldia izan zen.
Egunkariak oso ildo editorial gogorra izan zuen Trumpekin bere lehen agintaldian (2017-2021), eta Hillary Clintonen alde egin zuen 2016an, eta Joe Bidenen alde, 2020an.
Bezosek milioi bat dolar eman zituen Trumpen inbestidurarako eta, Meta eta OpenAI erraldoi teknologikoen jabeek bezala, urtarrilaren 20an errepublikanoaren kargu-hartzean egon zen.
Zure interesekoa izan daiteke
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta atxilotutako bi lagun horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Aljeria, Txina eta Errusiaren abstentzioarekin.
Munduko kaleak izaki beldurgarrienez bete dira
Gaur gauean, iluntasunak hartuko ditu munduko kaleak. Dagoeneko izaki beldurgarriak dabiltza han eta hemen, itzal eta argi artean. Gurean, Gau Beltza; munduan, Halloween. Urriaren 31n, milaka lagun mozorrotuta aterako dira kalera, beldurraren eta dibertimenduaren artean dantza egitera. Uztaren amaieraren ospakizuna urruti dago askorentzat, baina gauak berak emango du uzta emankorra gaurkoan: irria, oihuak eta misterio apur bat.
'Melissa' urakanak 50 hildako baino gehiago utzi ditu jada Karibeko hainbat herrialdetan
Erreskate taldeek lanean jarraitzen dute zikloiak gehien kaltetutako eremuetan, hala nola Haitin, Panaman, Dominikar Errepublikan eta Kuban. Lehorretik iristea bereziki zaila izaten ari da gehien kaltetutako landa eta kostalde eremuetan.