Israelek Gazako su-etenaz negoziatzen jarraitzea onartu du, eta ordezkaritza bidaliko du astelehenean Dohara
Larunbatean iragarri zuenez, Israelgo Gobernuak onartu egin du bitartekari estatubatuarrek egindako gonbidapena, eta astelehenean ordezkaritza bat bidaliko du Dohara Gazako su-etena negoziatzeko mahaira.
"Israelek onartu egin du AEBko bitartekarien gonbidapena, eta ordezkaritza bat bidaliko du astelehenean Dohara, negoziazioetan aurrera egiteko asmoz", adierazi du Benjamin Netanyahu Israelgo lehen ministroaren bulegoak ohar labur batean.
Hain zuzen ere, Abdul Latif al Qanou Hamasen bozeramaileak ordu batzuk lehenago esan du zeharkako negoziazioetan "adierazle positiboak" atzeman dituztela Gazako su-eten akordioari eusteko eta bigarren fasera pasatzeko.
"Egiptoko eta Qatarko bitartekariek esfortzuak egiten jarraitzen dute su-etenaren akordioa betetzeko eta bigarren faserako negoziazioei ekiteko, eta adierazleak positiboak dira", Hamasen bozeramailearen arabera.
Su-etenaren bigarren fasea martxoaren 1ean hasi behar zen, eta Israelgo Armada Gazako Zerrenda osotik ateratzea aurreikusten du, Gazan dauden bahitu guztiak askatzearen truke.
Talde islamistak astebete darama esaten bigarren fasera igarotzeko prest dagoela, baina israeldarren aldetik ez du jarrera bera ikusten. Izan ere, Netanyahuren gobernuak proposatu du su-etena Ramadanean eta juduen Pazkoan luzatzea bahituak askatzearen truke, baina Armada Zerrendatik atera gabe.
Israelek, gainera, galarazi egin du Gazara laguntza humanitarioa sartzea, eta neurri hori "xantaia merkea" izan da Hamasentzat.
42 egunen ostean, martxoaren 1ean amaitu zen su-etenaren lehenengo fasea, eta 33 bahitu askatu zituen Hamasek epe horretan, Israelen preso zeuden 1.800 presoren truke. Gazako Zerrendan 59 bahitu daude oraindik, baina horietako 35 hilda daudela uste dute.
Hamasek erasoa egin zuen Israelen 2023ko urriaren 7an, eta 1.200 bat pertsona hil eta 251 bahitu zituen. Israelek Gaza inbadituz erantzun zuen; ordutik, ia 48.000 pertsona hil ditu eta lurraldea suntsitu du.
Zure interesekoa izan daiteke
Starmerren aholkulari nagusiak dimisioa eman du Epsteinen artxiboen eskandaluagatik
Kabineteko buruak bere gain hartu du Mandelson enbaxadore kargurako izendatu izanaren errua. "Akats bat izan zen. Gure alderdia, gure herrialdea eta politikarekiko konfiantza kaltetu ditu Mandelsonek", gaineratu du.
Takaichik irabazi ditu hauteskundeak Japonian, eta gehiengoa handitu du
Hauteslekuak itxi osteko lehen kalkuluek 274 eta 328 eserleku artean eman dizkiote lehen ministroaren Alderdi Liberal Demokratikoari, gehiengo absolutua aise gaindituta.
Hauteskunde aurreratuak Japonian, azken urteetako elurte handienaren erdian
Sanae Takaichi lehen ministroak bozak aurreratzea erabaki zuen, Parlamentuan dituen babesak handitzeko asmoz. Inkesten arabera, helburua lortuko du, baina ez dira ohiko hauteskundeak izango, elurraren eraginez ordutegia aldatu behar izan baitute hautesleku batzuetan.
Istiluak izan dira polizien eta manifestarien artean Milanen, Olinpiar Jokoen aurkako protesta jendetsu batean
Poliziak ur-kanoiak eta negar-gasa erabili ditu manifestarien aurka, protestari batzuek agenteei suziriak, bengalak eta bestelako objektuak jaurti ostean. Milaka lagun bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.