Israelek Armadari agindu dio Gazako erasoak eremu gehiagotara zabaltzeko eta leku horiek bereganatzeko
Israelgo Defentsa ministro Israel Katzek Armadari agindu dio "zabal ditzala segurtasun eremuak" Gazako Zerrendan, eta heda ditzala tropak toki gehiagotara. Horren hitzetan, Hamasek 2023ko urriaren 7an bahitutako israeldar guztiak askatu arte, Israelek leku horiek bereganatuko ditu, asteartean berrabiarazitako erasoaldian. Egun horretan hautsi zuen Israelek talde islamistarekin hitzartutako su-etena.
"Hamas erakunde terroristak ez baditu bahituak askatzen, Israelgo Defentsa Indarrei aginduko diet Gazako erasoak leku gehiagotara zabaltzeko. Horretarako, gazatarrek beren bizilekuak utzi beharko dituzte, eta segurtasun eremuak ere zabaldu beharko dira, soldadu israeldarrak babeste aldera", esan du ohar batean.
"Zenbat eta burugogorrago jarri Hamas, orduan eta lurralde gehiago galduko ditu, Israelek bereganatuko baititu", ohartarazi du. Horrekin lotuta, asteartean hasitako operazioak indarrean jarraitzen duela adierazi du, eta erasoak areagotuko dituela, Israelek bahituak askatu arte.
Hartara, AEBk Ekialde Hurbilean duen bidali berezi Steve Witkofferen proposamenari eutsi diotela azaldu du. Horren arabera, "bahituak (bizirik daudenak zein hilda daudenak) bi fasetan askatu beharko dituzte, Israelen segurtasun interesak arriskuan jarri gabe".
Katzen esanetan, Israelen asmoa erasoak airetik, itsasotik zein lurretik areagotzea da, Hamas suntsitu arte, eta "bitarteko militar eta zibil guztiak baliatuko ditugu horretarako", erantsi du.
Zure interesekoa izan daiteke
Honela gelditu da Hungariako Asanblea Nazionala hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV .a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, Irango portuak helmuga edo irteera dituzten ontziei bidea itxiz.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.
Peter Magyar, Orbanen nagusitasunari amaiera eman dion kontserbadorea
Arlo ekonomikoan modernizatzaile, eta sozialean, kontserbadore, Magyar gai izan da bere inguruan biltzeko ofizialismoan jada gustura ez zeuden horiek, bai eta oposizio liberala eta, are, progresista ere, Orbanen eta haren Fideszen 16 urteko agintearen ostean, aldaketa gosez zirenak, guztiak ere. Ustelkeriaren kontrako diskurtso indartsuarekin, erakundeak "garbitzera" dator, funts europarrak berreskuratzera eta ekonomia biziberritzera.
Urkulluren ustez, Magyarren garaipena EBrako "itxaropen puntu bat" da, baina adierazi du zuhur jokatu beharko litzatekeela harekin
Iñigo Urkullu lehendakari eta eAtlantic fundazioaren presidenteak adierazi duenez, Europar Batasunaren ikuspuntutik, Magyarrek Orbanen aurrean lortutako garaipena "itxaropen puntu bat" da, baina "nondik datorren" kontuan hartuta, zer politika darabilen ikusi arte itxarotea eskatu du.
Magyarren gehiengoak Orbanek hartutako norabidea eta ezarritako oreka alda ditzake
Lehen ministro berriak Parlamentuaren bi heren baino gehiago lortu ditu, eta Budapest berriro EBra gerturatuko dela agindu du, Bruselan, Moskun eta Kieven berehalako ondorioak izango dituen mugimendu batean.
"Hainbat ontzi" petrolio bila AEBra doazela esan du Trumpek eta Iranek ohartarazi du Ormuzera doazenek su-etena urratuko dutela
Ameriketako Estatu Batuek Ormuzko itsasartea blokeatuko dutela iragarri dute astelehenetik aurrera (14 GMT, 16:00ak Euskal Herrian eta 17:30ak Teheranen).