'The Atlantic' aldizkariak AEBk Yemenen egindako erasoei buruzko txataren edukia osorik argitaratu du
The Atlantic aldizkariak gaur zabaldu duenez, Donald Trumpen Administrazioko goi-kargudun talde batek argi eta garbi hitz egin zuen Yemenen egin beharreko bonbardaketez, kazetari baten presentziaz ohartu gabe, besteak beste, erasoetarako egitasmo zehatzen berri eman zion.
Jeffrey Goldberg The Atlanticen zuzendariak eta Shane Harris haren lankideak azaldu dutenez, astelehenean elkarrizketaren zati bat publiko egin zutenean, egindako erasoei buruzko xehetasunak ez ematea erabaki zuten, segurtasun nazionalaren mesedetan, AEBko Indar Armatuak arriskuan jar zitzaketela uste baitzuten.
Hala ere, elkarrizketako kide batzuek —besteak beste, Pete Hegseth Defentsa idazkariak eta Inteligentzia zerbitzuetako agintariek— egindako adierazpenen ondotik, aldizkaria jarreraz aldatu eta elkarrizketa osoa segurua ez zen kanal batean azaltzeko "interes publiko argia" dagoela onartu dute.
Zentzu horretan, "Administrazioko goi-agintariak trukatu ziren mezuen esanahiari kalte egiten saiatzen ari dira", baina txatean ordutegiei, armei eta helburuei buruzko informazio berezien berri ematen dute.
Hori guztia bonbardaketak hasi baino bi ordu lehenago. "Informazio hori, bereziki AEBko hegazkinak Yemenera aireratuko ziren ordu zehatzak, bi orduko tarte horretan esku okerretan erori izan balitz, pilotu estatubatuarrek eta beste militar batzuek arrisku handiagoa izango zuketen, eta arrisku horri aurre egin beharko liokete", kritikatu dute kazetariek.
Gutxienez 31 zibil hil eta 101 zauritu zituzten AEBk matxino xiita huthien aurka egindako erasoetan, Sanan, Yemengo hiriburuan.
Zure interesekoa izan daiteke
Ormuzko itsasartea itxi duela iragarri du Iranek, Israelek Libano hegoaldean egindako erasoengatik
Ekialde Hurbileko gerrari amaiera emateko akordioa urratzea leporatu dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere.
Inoizko hauteskunde polarizatuenen bigarren itzulia izango dute igande honetan Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.