Merkatuen balizko manipulazio baten itzala Trump Administrazioan
Donald Trump AEBko presidenteak "elkarrekiko muga-zerga" gehienetan 90 eguneko etenaldia iragarri zuen, agintariak berak inbertitzaileei erosteko gonbidapen publikoa egin eta ia hiru ordura. Wall Streeteko indize nagusien gorakada eragin zuen handi-mandiaren erabakiak. Horrela, asteazkeneko saioan Dow Jones % 7,87 igo zen, Nasdaq % 12,16, eta S&P 500 adierazlea % 9,52.
Gaur, Alderdi Demokratako zenbait ordezkarik publikoki azaldu dute beharrezkoa dela ikertzea Estatu Batuetako presidenteak muga-zergen inguruan duen jarrera aldaketaren berri zein pertsonak zuten eta informazioari etekina atera ote dioten, etenaldia iragarri baino ordu batzuk lehenago Trumpek berak sare sozialetan "erosteko une bikaina" zela adierazi ondoren.
Ildo horretan, Adam Schiff senatari demokratak ohartarazi du Trump gorabehera handiak sortzen ari dela merkatuan, bere muga-zergekin, eta politikariaren etengabeko jarrera aldaketa horiek "abagune arriskutsuak" eskaintzen dituztela "informazio pribilegiatua erabiltzeko".
"Administrazioan nork zekien aldez aurretik muga-zergen inguruko azken aldaketa erradikala? Inork akzioak erosi edo saldu zituen eta herritarren kontura baliatu zen?", galdetu du Schiffek X sare sozialean, eta aurreratu du Etxe Zuriarekin harremanetan jarriko dela horri buruzko informazioa eskatzeko.
Hala ere, "erabat kontziente naiz Etxe Zuria izango dela ziur asko Administrazioaren ustelkeria kasu honi edo beste edozeini buruz gardena izango den azken tokia", onartu du geroago zabaldutako bideo batean. Bertan, Kongresuak erantzunak eskatu baino gehiago ekin behar duela adierazi du senatari demokratak. "Honen muinera iritsiko gara, jendea AEBko herriaren kontura aberasten ari den jakiteko", ohartarazi du.
Era berean, Alexandria Ocasio-Cortez kongresista demokrata azken 48 orduetan akzioak erosi dituzten AEBko Kongresuko ordezkariek horren berri ematearen alde agertu da.
"Azken 48 orduetan akzioak erosi dituen Kongresuko edozein kidek jakinarazi beharko luke orain", eskatu du ordezkari demokratak bere X sare sozialean. Bestalde, "elkarrizketa interesgarriak" entzun dituela nabarmendu du. "Kongresuan informazio pribilegiatua erabiltzea debekatzeko garaia da", erantsi du.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.