Zerk bultzatu du Trump muga-zergen gerra globalean etenaldi bat ezartzera?
Ameriketako Estatu Batuen zor publiko handia, 36 bilioi dolar baino gehiago, eta haren zati garrantzitsu bat atzerriko inbertitzaileen esku egotea, besteak beste, Txinaren esku; Donald Trump presidentearen muga-zerga politikaren ahultasunetariko bat da, eta atzera egitera behartu ahal izan du.
Aditu batzuek dagoeneko lotu dute Trumpek iragarritako muga-zergen zati handi bat hiru hilabetez atzeratzeko hartutako erabakia, azken egunetan AEBko zorraren interesak izandako gorakadarekin.
Muga-zergak iragarri eta berehala bonuaren errendimendua % 4tik jaitsi zen bigarren mailako merkatuan, baina hurrengo saioetan goranzko bideari ekin zion, eta % 4,5era hurbildu zen Trumpek muga-zergak eten baino ordu batzuk lehenago.
Aditu asko harritu zituena errentagarritasunaren ondorengo gorakada izan zen, inbertitzaileek AEBko bonuak erosteko gogo gutxiago erakusten zuen mugimendua, edo, batzuek iradoki duten bezala, zorraren jabeek salmentak handitzea. Testuinguru horretan planteatzen da Txina salmenta horien atzean egon daitekeela.
Une honetan, AEBko zor publikoa 36,2 bilioi dolarrekoa da, eta horietatik 28,9 bilioi inbertitzaileen esku daude, datu ofizialen arabera. Gainerako 7,3 bilioi dolarrak AEBko Gobernuak hartutako konpromiso eta betebeharrei dagozkie, pentsioak eta beste dirulaguntza batzuk ordaintzeko.
Estatu Batuetako bonuen edukitzaile handienen artean, Erreserba Federala nabarmentzen da, 9 bilioi dolar inguru dituena. Atzerriko inbertitzaileek 8,5 bilioi dolar inguru kontrolatzen dituzte, Bloombergen datuen arabera.
Estatuen kasuan, edukitzaile handiena Japonia da, 1,08 bilioi dolarrekin, ondoren Txina (761.000 milioi dolar) eta Erresuma Batua (740.000 milioi dolar).
Bonu estatubatuarren interesen gorakada bereziki garrantzitsua da, Trumpen Gobernuak 9 bilioi dolarreko zorra birfinantzatu behar duelako aurten.
Argitaratutako txosten batean, Aberdeen Investments kudeatzaileak azpimarratu du Trumpek berak aitortu duela zorraren merkatuaren bilakaera "gertutik" jarraitzen ari dela.
Era berean, Kevin Hasset AEBko Kontseilu Ekonomiko Nazionaleko zuzendariak onartu duenez, zorraren etekinen igoeraren ondorioz, "premiazkoagoa" zen muga-zerga gehienak etetea.
Burtsen zaplaztekoa
Gainera, ezin da ahaztu burtsen bilakaera oso txarra izan dela hiru egunez jarraian. Burtsa gehienek hiru eguneko beherakada izan dute AEBko muga-zergak inposatu ostean, atzeraldi globalaren beldurra areagotuz.
Gerra komertzialaren ondorioz, hiru egun eskasean, 10 bilioi dolar galdu dituzte Burtsako balioan, Bloomberg AEBko finantza aholkularitza konpainiak emandako datuen arabera. EAEren Barne Produktu Gordina (BPG) halako 100 da zenbatekoa, Europar Batasunaren (EB) BPGaren erdia.
AEBko merkatuan, Apple izan da galtzaile handienetako bat (% 3,67 egin zuen behera), Txinarekiko menpekotasun handia baitu. Hiru saiotan, balioaren % 20 egin du behera. Sagarraren konpainia AEBko merkatuaren zazpi handietako bat da; Nvidia, Microsoft, Amazon, Alphabet, Meta eta Tesla dira gainerakoak. "Zazpi handiek" 5,3 bilioi dolar galdu dituzte kapitalizazioan.
Ika-mikak etxe barruan
Horrez gain, AEBko presidentearen gertukoenen artean eztabaida beroak izan dira azken egunetan. Elon Musk Teslaren jabeak Peter Navarrori, Trumpen Merkataritza eta Manufaktura aholkulariari, "tentel" eta "tontolapiko" deitu zion.
Musken eta Navarroren arteko gerrak jarraitzen du, Navarrok NBC Newsi egindako adierazpenetan Musk "auto ekoizlea ez" dela adierazi ondoren, "muntatzailea baizik". Teslaren osagaiak munduko hainbat lekutatik datozela gogorarazi zuen Navarrok, hala nola Txinatik, Taiwandik edo Japoniatik.
Navarrok azpimarratu zuenez, Muskek "atzerriko osagai (mekaniko) merkeak" nahi ditu; Gobernuak, aldiz, autoak Estatu Batuetan osorik egin nahi ditu.
Navarrok handi-mandiari buruzkoak inoiz edo behin bota izan ditu; izan ere, Muskek Europar Batasuneko (EB) produktuen gaineko muga-zergak kentzearen alde dagoela adierazi ondoren, aholkulariak esan zuen aberatsak "bere interesak babesten dituela, beste edozein enpresaburuk egingo lukeen moduan".
Zure interesekoa izan daiteke
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.
Elon Muskek onartu du xAIk OpenAIren modeloak erabili dituela Grok entrenatzeko, destilazio bidez
Destilazioa AA modelo baten ikasitakoak beste bati transmititzeko praktika da; horrela, modelo txikiago batek sare neuronal handiagoen jokabidea imita dezake.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.
Trump, Italian eta Espainian dituen tropa estatubatuarrak erretiratzeaz: "Zergatik ez nuke egin behar?"
Ameriketako Estatu Batuetako presidentearen ustez, Europako herrialde batzuek ez diote lagundu behar izan duenean, Washingtonek Ukrainako gerran lagundu arren, AEBrekin "zerikusirik" ez badu ere.
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan egin du, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte. Azken orduetan, Greziako hondartza batean utziko dituztela jakinarazi dute. Israelen eta inguruetan dauden Espainiako enbaxadak aktibatuta daude bertako pasaportea duten atxilotuak artatu ahal izateko.