Elon Muskek "tentel" eta "tontolapiko" deitu dio Peter Navarro Trumpen aholkulariari
Elon Musk Teslaren jabeak Peter Navarrori, Donald Trump AEBko presidentearen Merkataritza eta Manufaktura aholkulariari, "tentel" eta "tontolapiko" deitu dio gaur, X sare sozialean, handi-mandiaren auto elektrikoen fabrikazioa dela eta egindako kritikei erantzunez. Beste mezu batean, izena aldatu eta "Peter Retarrdo" (atzeratu) idatzi du Muskek.
Trumpen gertuko bi aholkulariren arteko eztabaidak zeresan mediatiko handia sortu du, nahiz eta Etxe Zuriak garrantzia kentzen saiatu. "Mutilen arteko kontuak dira", esan du Karoline Leavitt Etxe Zuriko bozeramaileak prentsaurreko batean.
Horrela, Musken eta Navarroren arteko gerrak jarraitzen du, Navarrok NBC Newsi egindako adierazpenetan Etxe Zuriarentzat eta Estatu Batuetako herritarrentzat Elon Musk "auto fabrikatzailea" dela adierazi ondoren.
"Baina bera ez da auto ekoizlea, muntatzailea baizik", gaineratu du aholkulariak. Teslaren osagaiak munduko hainbat lekutatik datozela gogorarazi du Navarrok, hala nola Txinatik, Taiwandik edo Japoniatik.
Navarrok azpimarratu duenez, Muskek "atzerriko osagai (mekaniko) merkeak" nahi ditu; Gobernuak, aldiz, autoak Estatu Batuetan osorik egin nahi ditu.
Adierazpen horiek jasotzen zituen bideo bati erantzunez, Muskek esan du Navarrok dioena "guztiz faltsua" dela, eta gaineratu du "Teslak Estatu Batuetan fabrikatutako auto gehien" dituela.
Navarrok handi-mandiari buruzkoak inoiz edo behin bota izan ditu; izan ere, Muskek Europar Batasuneko (EB) produktuen gaineko muga-zergak kentzearen alde dagoela adierazi ondoren, aholkulariak esan zuen aberatsak "bere interesak babesten dituela, beste edozein enpresaburuk egingo lukeen moduan".
"Uste dut garrantzitsua dela ulertzea Elonek ibilgailuak saltzen dituela. Horretan dihardu", esan zuen Navarrok astelehenean Fox News katean egindako elkarrizketan.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.