Ukrainako negoziazioei buruzko eztabaidak abiatu ditu Macronek Rubio eta Witkoffekin
Emmanuel Macron Frantziako presidenteak Marco Rubio AEBko Estatu idazkaria eta Steve Witkoff Donald Trumpen ordezkari berezia hartu ditu ostegun honetan, Ukrainako gerrari buruzko bilera diplomatiko luze batean. Bertan izan dira Kievetik, Erresuma Batutik eta Alemaniatik etorritako ordezkariak ere.
Macronek antolatutako Eliseoko lan-bazkaria 13:30ean hasi da, eta bertan, Rubio eta Witkoffez gain, Jean-Noël Barrot Frantziako Atzerri ministroak parte hartu du.
Frantziako presidentetzak azaldu duenez, Macronek Volodimir Zelenski Ukrainako presidentearekin hitz egin du, eta Andri Yermak kabineteko nagusia buru duen ordezkaritza bat bidali du Parisera. Andri Sibiga Atzerri ministroa eta Rustem Umerov Defentsa ministroa ere bertan daude.
Halaber, Rubio eta Witkoffekin izandako elkarrizketak "Ukrainako eraso errusiarrari amaiera emateko bake negoziazioei" buruz hitz egiteko balio behar zuela aurreratu zuen.
Horren harira, gogoratu du Macronek azken asteetan harremanak izan dituela Trumpekin helburu horrekin, baita Erresuma Batuarekin ere, "boluntarioen koalizioa" deiturikoa martxan jartzeko.
Koalizio horretan, batez ere, Europako herrialdeak daude, baina baita beste kide batzuk ere, hala nola Kanada. Horren bidez, su-etenerako baldintzak sortu eta Ukrainari segurtasun-bermeak eskaini nahi dute eta, hori gertatuz gero, herrialde horretara tropak bidaltzeko aukera izan.
Kremlinek ez du aurrerapausorik espero Parisen
Bestalde, Kremlinek ez du aurrerapausorik espero Ukrainan konponbide baketsu bat lortzeko gaurko Parisko bileran.
Bien bitartean, Errusiak uko egiten jarraitzen dio lehorreko, itsasoko eta aireko su-eten bat onartzeari, segurtasun arloko bere kezkak kontuan hartu arte.
Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.