Israelek erasoekin jarraitzen du eta gutxienez 28 palestinar hil ditu azken orduetan Gazako Zerrendan
Gutxienez 28 palestinar hil dira bart Gazako Zerrendan, tartean haurrak eta emakumeak, Israelek etxebizitzen aurka egindako erasoen ondorioz, Osasun Ministerioak jakitera eman duenez.
Horietatik 13 iparraldearen aurkako bonbardaketetan hil zirela zehaztu du Osasun Sailak, eta beste 15ak Zerrendako hegoaldearen aurkako erasoetan.
Biktimen artean, Tamer Meqdad kazetari palestinarra dago. Israelek Tal al Zaatar auzoko bere etxea bonbardatu zuen, eta bertan hil ziren bere alaba eta hainbat senide ere.
Meqdadekin, dagoeneko 200 kazetari baino gehiago hil ditu Israelek 2023ko urrian Zerrendaren aurkako erasoa hasi zuenetik, Palestinako Kazetarien Babeserako Zentroak (PJPC) emandako datuen arabera.
Jan Yunisen ekialdean, beste hamar pertsona hil dira ehiza-hegazkin israeldarrek familia-etxe bati egindako erasoen ondorioz.
Hilabete su-etena hautsi zenetik
Ostiral honetan, apirilaren 18an, hilabete bat beteko da Benjamin Netanyahu Israelgo lehen ministroak Gazako Zerrendaren aurkako bonbardaketei berriro ekiteko agindua eman zuenetik.
Ordutik, Israelgo indarrek egunero eraso egiten diote dagoeneko ia bizitzeko ezinezkoa den Zerrendari, Hamasen eta Jihad Islamikoaren kontrako erasoak direla aitzakia hartuta.
Hilabete honetan, Israelek gutxienez 1.691 gazatar hil ditu, tartean haurrak eta emakumeak, eta 4.600 pertsona baino gehiago zaurituta utzi ditu.
Bestalde, ostiral goizean zehar, Armadak Gazako iparraldean desplazatuak zeuden kanpin-denda bati eraso zion, eta bi pertsona hil eta hainbat zauritu zituen.
Mahmud Basal Palestinako Defentsa Zibileko bozeramaileak ohartarazi duenez, Israelen betoaren ondorioz erregairik ez dagoenez, erreskate-ibilgailu batzuek "operazioak eteteko arriskua dute" datozen egunetan.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.