Bukatu da Iranen eta AEBren arteko bilera "ekarkorra", hirugarren hitzordu baterako konpromisoa hartuta
Iranen eta AEBren arteko zeharkako elkarrizketen bigarren bilera larunbat arratsalde honetan bukatu da Erroman. Hitzordua "emankorra" izan dela iritzita, biek ala biek adostu dute hirugarren batzar bat egitea, datorren apirilaren 26an, Tasnim albiste agentziari iraniar iturriek jakinarazi diotenez.
Irango Atzerri ministro Abbas Araqchik eman du data eta lekuaren berri. Ostera ere, Omango hiriburuan, Maskaten, batuko dira; hots, duela astebete elkarrizketak hasi zituzten hirian. Ministroak, bestalde, Txina bisitatuko du asteon, hango agintariekin hitz egiteko.
Esan bezala, Italiako hiriburuan bildu da Araqchi AEBren bidali berezi Steve Witkoffekin, eta bederatzi puntuko plan bat aurkeztu dio. Balizko itun baten gaineko bermeak ematea, islamiar errepublikari ezarritako zigorrak bertan behera uztea, eta "Israel bezalako endredatzaileak" geldiaraztea eskatu dio, besteak beste.
"Seriotasuna, bermeak, oreka, mehatxu eza, arintasuna, zigorrak kentzea eta inbertsioa erraztea nahi dugu", esan du.
Donald Trumpen lehen Gobernuak 2018an Ekintza Integralerako Plan Bateratua —Teheranek eta munduko potentziek sinatutako akordio nuklear historikoa— bertan behera uztea erabaki zuenetik, lehen batzar-sorta ari dira egiten.
Orduko akordioan hitzartu zuten Iranek bide baketsuak aukeratzea, gainerako herrialdeek hari jarritako zigorrak kentzearen truke, eta, horrenbestez, nazioarteko merkatuetara berriro sartzea.
Trump, baina, akordiotik aldendu zen, pauso bat atzera eginda, uste baitzuen ituna ez zegoela emaitzarik ematen, eta Iran arma nuklearren bati heltzeko prest zela, Teheranek behin eta berriro horrelakorik ukatu arren.
Harrezkero, pixkanaka Nazio Batuen agentzia nuklearrarekin hartutako konpromisoetatik urruntzen joan da Iran.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.