Munduko ekonomiari arnasa eman dion Washingtonen eta Pekinen arteko aurreakordioaren gakoak
Ameriketako Estatu Batuek eta Txinak elkarren produktuen gainean ezarritako muga-zergak nabarmen murrizteko Genevan lortutako akordioak arnasa emango dio munduko ekonomiari eta, bereziki, merkatuei eta industriei, hein handi batean Asiako horniduren mende baitaude.
Behin betiko irtenbidea ez bada ere, bi aldeek 90 egun eman dizkiote elkarri, bat ez datozen gaietan akordioa ixteko.
Zein da aurreakordioaren osagairik garrantzitsuena?
AEBk Txinan ekoitzitako produktuen ga¡nean ezarritako muga-zergak % 145etik % 30era jaistea adostu du, eta Txinak, berriz, % 10era jaistea onartu du, indarrean zegoen % 125arekin alderatuta. Murrizketa bi egun barru sartuko da indarrean, maiatzaren 14an.
Zergatik ez dituzte muga-zergak portzentaje berdinean murriztu?
Ameriketako Estatu Batuek eta Txinak adostu dute muga-zerga orokorrak % 10era murriztea, baina Washingtonek salbuespenak ezarri ditu sektore espezifikoetan, aluminioan, altzairuan eta automobilgintzan, besteak beste.
Hala ere, Washingtonen % 10 horri fentanilo izenez ezagutzen den drogaren krisiarekin zuzenean lotu duen % 20 gehitu behar zaio, azken aldian AEBko herritarren artean osasun-krisi handienetako baten eragile baita.
Zerga gehigarri horrek, Donald Trump presidentearen Gobernuaren ikuspuntutik, baliagarria da presioari eusteko eta Txinak neurri zehatz eta zorrotzak har ditzan fentaniloa ekoizteko behar diren kimikoen esportazioa kontrolatzeko eta, aldi berean, AEBko merkatura doan legez kanpoko produktuari bidea ixteko.
Zer gertatuko da hemendik aurrera?
Ameriketako Estatu Batuek eta Txinak kontsulta-mekanismo bat ezarriko dute elkarrizketak izaten jarraitzeko. Eztabaida horiek ez dira soilik komertzialak izango, oro har ekonomiarekin lotutako gaiak baizik.
Txinatik He Linfeng lehen ministrordea joango da bileretara, eta AEBren aldetik, Scott Bessent Altxorraren idazkaria eta Jamieson Greer goi ordezkari komertziala hurbiltzea adostu dute, eta Genevan izan duten egiteko bera izango dute aurrerantzean ere.
Zure interesekoa izan daiteke
Hainbat pertsona sastatu dituzte Cambridgeko tren batean
Bi pertsona atxilotu dituzte, eta Erresuma Batuko Garraio Poliziak jakinarazi duenez, terrorismoaren aurkako agintariak ikerketan laguntzen hasi dira.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta atxilotutako bi lagun horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Aljeria, Txina eta Errusiaren abstentzioarekin.
Munduko kaleak izaki beldurgarrienez bete dira
Gaur gauean, iluntasunak hartuko ditu munduko kaleak. Dagoeneko izaki beldurgarriak dabiltza han eta hemen, itzal eta argi artean. Gurean, Gau Beltza; munduan, Halloween. Urriaren 31n, milaka lagun mozorrotuta aterako dira kalera, beldurraren eta dibertimenduaren artean dantza egitera. Uztaren amaieraren ospakizuna urruti dago askorentzat, baina gauak berak emango du uzta emankorra gaurkoan: irria, oihuak eta misterio apur bat.