Netanyahuk lehen laguntza kamioiak sartzen utzi ditu Gazan, aliatuek behartuta
Bost laguntza kamioi sartu dira gaur Gazako Zerrendan, hiru hilabeteko blokeoaren ostean, Israelgo Armadak iragarri duenez. NBEren arabera, lau gehiago sartuko dira hurrengo orduetan.
Hain zuzen ere, jaioberrientzako elikagaiak zeramatzaten bost kamioi sartu dira Gazan, Kerem Shalom pasabidetik, okupatutako Palestinako lurraldeetan gai zibilak kudeatzen dituen Israelen Cogat erakunde militarraren arabera.
Tom Fletcher laguntza humanitarioa koordinatzeko NBEk duen ordezkariak baieztatu duenez, Israelek "behin-behinean" utzi die laguntza humanitarioa sartzen. Guztira, 9 kamioi sartuko dira gaur lurraldean.
Israelek 11 aste daramatza Gaza blokeatzen, eta harrezkero ez da elikagairik, urik, erregairik eta sendagairik sartu bertan. Horren ondorioz, biztanleen % 20 (milioi erdi pertsona) gosetea pairatzen ari dira, NBEk zehaztu duenez.
Hori dela eta, Fletcherrek "mugarik gabe" laguntza eramaten uzteko deia egin dio Tel Avivi, eta NBEk "bizitzak salbatzeko plan argia eta praktikoa" duela gaineratu du.
Israelek argudiatzen du, inolako frogarik aurkeztu gabe, laguntza humanitarioa Hamasi heltzen zaiola. Horregatik, Tel Avivek berak banatu nahi du balizko laguntza.
Bien bitartean, Israelgo 30 bat erakunde humanitariok salatu dute Benjamin Netanyahu lehen ministroaren asmoa dela laguntza humanitario gutxi sartzen uztea, "bonbardaketak eten behar ez izateko adina".
Bart, Netanyahuk aitortu egin du aliatuek behartuta utziko duela laguntza humanitarioa sartzen Gazan.
Atzo, Israelek 136 palestinar hil zituen Gazan, tartean familia osoak.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.