Gazan laguntza humanitarioa duten 170 kamioi sartu direla adierazi du Israelek
Gazan laguntza humanitarioaren banaketa kudeatzeko Israelek eta Ameriketako Estatu Batuek (GHF, ingelesezko sigletan) babestutako gobernuz kanpoko erakundeak janaria entregatzeko operazioa hasi duela iragarri du.
Laguntza zentro berrietan banatzen ari dira, baina ez da kopururik zehaztu. Gazatarren argazkiak argitaratu dira, banaketa-puntuetako batean kutxak biltzen.
Erakundeak jakinarazi duenez, laguntza humanitarioarekin konboi gehiago sartuko dira astearte honetan, eta horrek laguntza gehiago jasotzea ahalbidetuko die.
Erakundeak salatu du Hamas Erresistentzia Islamikoaren Mugimenduak langileei heriotza-mehatxuak egin dizkiela. Gainera, jakinarazi du Hamasek herritarrei entrega-guneetara iristea galarazten saiatzen ari dela. "Argi dago funtzionamendu eredu berri honek Hamas mehatxatu egiten duela, eta ahalenak egingo dituela porrot egin dezan", salatu dute.
Taldeak, gainera, iragarri du John Acree GHFren bitarteko zuzendari izendatu duela, Jake Wood aurreko zuzendariak dimisioa eman ostean. Izan ere, adierazi zuen "gizatasuna" eta "neutraltasuna" gisako "printzipio humanitarioak" errespetatuz aurreikusitako plana burutzea ezinezkoa zela.
Gobernuz kanpoko erakundea aurten bertan sortu da Israelen planaren baitan, laguntza humanitarioa emateko mekanismo bat ezartzeko, ohiko nazioarteko erakunde humanitarioen sistematik kanpokoa, argudiatuz horren bidez Hamasek kudeatu eta aprobetxatzea saihestu nahi duela.
Banaketa-zentroak Gazako Zerrendaren hegoaldean jarriko dira, eta AEBko enpresa kontratistek kudeatuko dituzte, segurtasunez. Zentro horietara familia bakoitzeko ordezkariak baino ezin dira joan (aurretik aukeratuak, jakinarazi dutenez), eta elikagai-kutxa bana emango zaie.
Zure interesekoa izan daiteke
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.