Israelek 31 pertsona hil ditu laguntza banatzeko zentro batean, Gaza hegoaldean
Israelgo Armadak gutxienez 31 palestinar hil eta 115 zauritu ditu laguntza banatzeko zentro batera zihoazen herritarren aurka tiroka hasi denean. AEBren eta Israelen kontrolpean dagoen zentroa Rafahtik mendebaldera dago, Gaza hegoaldean.
Gazako Gobernuak eman du biktimen balantzearen berri, eta ohartarazi du datozen orduetan gora egin dezakeela kopuruak, zaurituetako batzuk larri baitaude.
Zaurituak Khan Yunis hiriko Nasser osasun zentrora eraman dituzte, Gazako Zerrendan martxan dagoen azken ospitaleetako batera.
Lekukoen arabera, tankeak eta droneak herritarren aurka tiro egiten hasi dira laguntza paketeak jasotzera zihoazenean.
Palestinako agintariek salatu dute Israel "gerra arma" gisa erabiltzen ari dela laguntza humanitarioa, eta AEB, laguntzaren ikuskatzaile den heinean, krimen horien "erantzule morala eta penala" dela.
Gazako Fundazio Humanitarioa erakundea aurten bertan sortu du Israelek nazioarteko erakunde humanitarioetatik kanpo, Hamasen kontrolpetik ihes egiteko aitzakia erabiliz.
Nazio Batuen Erakundeak eta Gazako Zerrendan dauden gobernuz kanpoko erakundeek uko egin zioten Israelek eta AEBk antolatutako laguntza humanitarioaren banaketan parte hartzeari, "oinarrizko printzipio humanitarioak urratu" egiten dituelako, Israelgo Armadaren kontrolpean dagoen heinean, inpartzialtasun, independentzia eta neutraltasun printzipiorik ez delako errespetatuko.
Astelehenean ireki zuen Gazako Fundazio Humanitarioak lehenengo banaketa zentroa, Rafahn. Hurrengo egunean, milaka palestinar joan ziren bertara laguntza bila, eta Israelgo indarrek tiro egin zieten, eta hiru pertsona hil eta dozenaka zauritu zituzten.
Asteazkenean, beste banaketa puntu bat ireki zuten. Orduan ere, soldadu israeldarrek tiroka erantzun zieten laguntza bila joan zirenei, eta gutxienez sei pertsona hil zituzten.
Laguntza humanitarioa exijitu du Espainiako Gobernuak
Espainiako Atzerri ministro Jose Manuel Albaresek eskari argia egin du azken orduotan X sare sozialaren bidez: "Sar dadila, trabarik gabe, laguntza humanitarioa Gazara, eta aska ditzatela bahituak".
"Laguntza ematen ari den zentro batetik oso gertu jazo dira gaurko leherketak. Israelek gerra gizagabe hau gelditu behar du. Gazatarrek, haien umeek, osasuna, hezkuntza eta duintasuna merezi dituzte", idatzi du.
Atzerri ministroak gaineratu duenez, Espainiak Nazioarteko Zuzenbidea bete dezatela exijitzen du, eta horretarako nazioarteari galdegin dio lan egin dezala gerra amaitzeko eta bi Estatuen irtenbidea aplikatzeko.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.