Nazio Batuen Elikagaien Munduko Programako irinez betetako kamioiak hustu dituzte gazatarrek, goseak jota
Nazio Batuen Elikagaien Munduko Programak (EMP) baieztatu du irinez betetako 77 kamioi sartu dituztela azken orduetan Gazako Zerrendan, eta, zuzenean, herritarrek euren artean banatu dutela karga, kamioietara igoz, bidean.
Nazio Batuen agentzia horrek azaldu duenez, "larunbat gauetik goizaldera lortu dute kamioiek Gazara sartzea", eta ibilgailuak bidean gelditu dituzte, "goseak zeuden eta familiak elikatzen saiatzen ari zirenek irina har zezaten".
"Ia 80 eguneko erabateko blokeoaren ondoren, gazatarrak gosez hiltzen dira eta jada ez daude prest janaria euren ondotik pasatzen ikusteko", azaldu du NBEren agentziak, une kritiko honetan entrega mekanismo ortodoxoagoak abian jartzea ezinezkoa dela nabarmentzeko.
Neutraltasun faltagatik oso kritikatua izan da laguntza humanitarioa banatzeko ekimen israeldar-estatubatuarra, eta oso bestelako metodologia proposatzen dute Nazio Batuek. "Itxaropena itzul dadin, beldurra desagertu eta kaos handiagoa saihesteko, janari oldea eraman behar dugu jendearengana", idatzi dute X sarean. Soilik "denboran luzatuko den laguntzak" eraiki dezake berriz konfiantza, horien esanetan, eta konfiantza berrezartzen denean, familia guztiei helaraziko zaiela laguntza. Horretarako, baina, su-etena beharrezkoa dela azpimarratu dute.
<blockquote
class="twitter-tweet">
The humanitarian
is spiraling.
WFP has enough food to feed all 2.2M
people for 2 months. A ceasefire is the only way to deliver it safely.
—
31, 2025
NBEren erakundeak jakitera eman duenez, Gazako herritar guztiak (2,1 milioi) bi hilabetez elikatzeko adina janari dute, baina ezin dute banaketa egin su-etenik ez badago.
Zure interesekoa izan daiteke
Frantziako Gobernuak ohartarazi du ordena publikoaren kontrako istiluak izateko “arrisku handia” dagoela larunbatean
Maria Corina Machadok eskerrak eman dizkio AEBri Venezuelan "askatasunari" atea irekitzeagatik
Netanyahuk eta Eisenkotek Israelgo bozetan atzerriko eragileen esku-hartzea izan den ala ez ikertzeko eskatu dute
Flavio Bolsonarok "Brasilgo presidente hautatu" izendatu du bere burua, eta gero atzera egin du
Bolsonaro AEBra heldu da, Brasilgo Justiziatik ihesi
Zeintzuk dira Israelen Gobernua osatzeko hurrengo urratsak?
Legea gogortzea erabaki du Frantziako Senatuak, arpilatzeak eta istiluak saiheste aldera
Israelek hautestontziak itxi ditu, lau hamarkadatan izandako parte-hartze handienarekin
Albiste izango dira: hauteskundeak Israelen, bilera erabakigarria Tubos Reunidosen etorkizunerako eta Durangoko Auzokaren aurkezpena
