Beste preso truke bat adostu dute Ukrainak eta Errusiak
Ukrainak eta Errusiak beste preso truke bat adostu dute gaur, balizko su-etena negoziatzeko Istanbulen (Turkia) egindako bileran. Hain zuzen ere, zauritutakoak eta 18 eta 25 urte arteko presoak trukatuko dituzte. Maiatzaren 16an, 2.000 preso trukatu (1.000 bana) zituzten.
Rustem Umérov Ukrainako Defentsa ministroak iragarri duenez, 6.000 bana hilotz ere entregatuko dituzte herrialdeek.
Horren esanetan, Kievek zerrenda bat helarazi dio gaur Moskuri, Errusiak Ukrainan okupatutako lurraldeetatik deportatutako umeen izenekin. Haur horiek itzultzea ezinbesteko baldintzatzat jo du Kievek, bake-bidean aurrera egin ahal izateko.
"Gai hori lehentasuna da guretzat, Errusiak benetako konpromisoa badu bake-prozesuarekin, seinale positiboa izango litzateke gutxienez umeen erdiak itzultzea", gaineratu du.
Goizean iritsi da Istanbulera Ukrainako presidenteak Errusiarekin su-etena negoziatzeko izendatutako ordezkaritza, eta arratsaldeko lehen orduan elkartu dira.
Errusiako hainbat aire base militarren aurka Ukrainak inoizko erasoaldirik handiena egin eta biharamunean bildu dira bi aldeak. Drone bitartez, Errusiako Armadaren dozenaka hegazkin suntsitu zituzten atzo.
Albiste gehiago mundua
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera erabiltzeaz gain, arazorik gabe hitz egiten dute politikaz eta gizarte arazoez, eta agertokiaren gainean jaia pizten iaioak dira.
PKK gerrilla kurduak Irak iparraldean hasi du bere desarmea
Ekitaldian, gerrillako 15 gizon eta 15 emakume izan dira, Bese Hozat PKK-ko buruzagi gorenetako bat tartean. Gerrillako kideek metalezko ontzi handi batean erre dituzte euren armak.
PKK gerrilla kurduak armagabetzea hasi du Irakeko iparraldean
Maiatzean iragarri zuen armak alde batera uzteko borondatea, Abdullah Ocalan buruzagi espetxeratuak, gutun baten bidez, 1984an hasitako borroka armatua amaitzeko eskatu ostean.
Su-etena egun gutxitan lortzea espero du Netanyahuk
“Bahitu guztiak atera nahi” dituela esan du Israelgo lehen ministroak. Sarraskia "bihar amaitu liteke, gaur Hamasek armak uzten baditu”, gaineratu du.
Zelenskik bere aliatuen 10.000 milioi baino gehiago lortu ditu "gatazka amaitu ondoren Ukraina berreraikitzeko"
Ukraina Berreraikitzeko IV. Biltzarrak ia 5.000 parte-hartzaile bildu ditu Erroman. Errusiak "zinikotzat eta gezurtitzat" jo ditu bildutako estatuak eta erakundeak.
Brasilen eta AEBren arteko krisi diplomatikoa areagotu egin da, Trumpek % 50eko muga-zergak ezarriko dituela iragarri berritan
Jair Bolsonaro Brasilgo estatuburu ohi eta presidente estatubatuarraren kontra Gorte Gorenean egingo duten epaiketa da azken gatazka honen abiapuntua. 2022ko hauteskundeak galdu ostean, Lula da Silvaren aurkako estatu-kolpe saiakera egitea leporatuta epaituko dute.
Hamas hamar gatibu askatzeko prest agertu da, eta Israelgo Armada Gazatik ateratzea eskatu du berriro
Palestinako erresistentziak "orain arteko funtsezko gaietan negoziazioen zailtasuna" azpimarratu du, "Israelen irmokeria dela eta".
Marseillako aireportua itxi eta hiriaren iparraldea eta hainbat herri konfinatu dituzte, suaren ondorioz
Haize zakarrak, 30 gradutik gorako tenperaturek eta landarediaren lehortasunak, joan den asteko bero-bolada areagotuta, asko zailtzen ari da suhiltzaileen lana.
Netanyahuk Trump proposatu du 2025eko Bakearen Nobel Saria jasotzeko hautagai gisa
Hirugarren aldiz proposatu dute Trump Bakearen Nobel Saria jasotzeko. Lehenengoan, joan den ekainaren 21ean, Pakistango Gobernuak aurkeztu zuen, eta hiru egun geroago Buddy Carter kongresista errepublikanoak beste izendapen gutun bat bidali zuen Oslora.