GHF erakunde pribatuak laguntza banatzeko zentroak itxi ditu Gazan
Gazarako Fundazio Humanitarioak Ameriketako Estatu Batuek eta Israelek babesten duten eta Gazako Zerrendari laguntza humanitarioa banatzeko ardura duen erakunde pribatuak asteazken honetan jakinarazi duenez, banaketa zentroak itxita daude gaurtik, eta puntu horietan sartzea "erabat debekatuta" dagoela ohartarazi du.
"Banaketa zentroak itxita egongo dira, modernizatzeko, antolatzeko eta eraginkortasuna hobetzeko", idatzi du fundazioak sare sozialetan. Erakundeak gaineratu duenez, "abian dauden eguneratzeak direla eta, guztiz debekatuta dago horietan sartzea".
Avichay Adraee Israelgo Armadaren arabierazko bozeramaileak gaineratu du debekatuta egongo dela "banaketa guneetara doazen errepideetan zehar bidaiatzea, borroka gunetzat jotzen baitira".
Gazarako Fundazio Humanitarioak ohartarazi duenez, ostegun honetan berrekingo die laguntza banatzeko operazioei.
Beste gerretan eskarmentua duten kontratistek sortutako fundazioa gainezkarazi dute Gazako zibilen izu eta etsipen eszenek, Israelgo indar armatuek zaindutako erakunde pribatuaren eskutik Zerrendan sartzen den laguntza humanitario eskasa eskuratu nahian gazatarrak.
18 hilketa gehiago
Asteazken honetan 18 palestinar gehiago hil ditu Israelgo Armadak desplazatuen kanpin-denden aurka egindako bonbardaketa batean, Gazako Zerrendako hegoaldeko Khan Yunis hirian, eskola baten barruan. Astelehenean eta asteartean Israelgo Armadak 31 eta 27 pertsona hil zituen, hurrenez hurren, laguntza banatzeko zentro batetik gertu izandako tiroen ondorioz.
WAFA Palestinako albiste agentziak aipatu duenez, drone israeldar batek Al Hanaui eskolari eraso egin dio eguneko lehen orduan. Milaka desplazatu daude bertan, Israelen erasoaren ondorioz.
Antonio Guterres NBEren idazkari nagusiak "berehala ikerketa independentea" abiatzea eskatu du, Gazan, bazkaltzeko zain, ilaretan zeuden hainbat pertsonaren aurka egindako sarraskiak direla eta.
Zure interesekoa izan daiteke
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.
Trumpek berriz esan du Espainiak ez duela Defentsan "laguntzen", eta merkataritza-harremana etengo duela mehatxu egin du
Donald Trump AEBko presidenteak asteazken honetan esan duenez, Espainiako Gobernuak "ez du laguntzen" Defentsaren alorrean, eta bien arteko merkataritza-harremana etengo duela mehatxu egin du berriro.
Ormuzko itsasartean misio bat egiteko baldintzak ez direla betetzen onartu du Macronek
Hala ere, azpimarratu du "antolatu" egin behar direla, inguruan dauden merkantzia-ontziei eskolta emateko.
Brent upela egonkor dago, 88 dolarrean, petrolio-erreserbak merkaturatzeko zain
The Wall Street Journal egunkariak asteazken honetan argitaratu duenez, Nazioarteko Energia Agentziak (IAE) inoizko petrolio erreserben kopuru handiena merkaturatzea proposatu du, petrolioaren prezioak murrizteko, eta IAEko herrialdeek 2022an Errusiak Ukraina inbaditu zuenean jarri zituzten 182 milioi petrolio upelak baino gehiago lirateke.
AEBren arabera, Ormuzko itsasartean minak jartzen ari ziren Irango 16 itsasontzi suntsitu dituzte
AEBko Komando Zentralak bideo bat zabaldu du, Irango ontzien aurkako erasoak ikusgai. Adierazi dutenez, operazioaren helburua da nabigazioa berriz martxan jartzea.